CHICKEN CHIKO

營業中

休息中

一開始入到門口嗰環境係唔錯既，主體顏色用白色，光線充足，俾人一種簡潔明亮幾舒服既感覺，枱凳擺放得整齊唔會好密集好迫，其中幾張靠牆邊既枱仲有梳化，係坐得幾舒服既。可惜美中不足嘅就係餐廳入面嘅韓國元素偏少得兩部電視喺度播韓國嘅歌，仲要係冇聲嘅。點餐就掃QRCODE，都幾方便，入座到點餐既過程中都冇乜太大既問題，不過到上菜既時候就發現老細同店員都會經常出錯枱上錯嘢，另外啲嘢食上到枱居然係唔熱既，裝拌飯個碟既扶手好油，一擺住黎撈飯就會成手都係油，同埋啲炸雞既肉亦都唔滑，份量仲要得好少，叫個部隊鍋得嗰少少，用個好薄既兜裝住，根本就食唔飽。2個人叫3樣嘢，分別叫咗一個拌飯一份炸雞一個部隊鍋，最後埋單306蚊，價格對比份量黎講偏貴。整體黎講唔算太OK。