18樓雞煲火鍋專門店

營業中

休息中

今晚天氣轉涼，好想打下邊爐，經過到旺角創興，見到新開任飲任食既雞煲加邊爐先每位$178起再加一，趁新開張一於試下。好彩暫時walk in 都有位，我地要左套餐a肥牛任食。餐廳都好方便，用手機掃qr code 落單，以防止漏單既情況，入面環境好大，裝修好有香港特色，加配好多唔同懷舊招牌，打卡都一流。首先我地先食雞煲要左bb辣，雞件數量唔少，都好嫩滑，好惹味，bb辣一啲都唔辣，嗜辣者建議中辣或以上。食完雞煲之後當然加湯打邊爐，湯係自助形式，清湯唔油膩。肉方面都有肥牛，豬，海鮮，仲有花膠，菜就自己去櫃拎，都好新鮮，最特別係野飲有台式冷泡飲品，本人推介冬瓜茶，唔會太甜，岩哂消滯。仲有甜品雪糕機，可以任加配料。呢個價錢絕對物超所值！