影片
更多
2025-03-24
295 瀏覽
呢個冬天好似無咩打邊爐，難得早幾日凍凍地又抽到時間，就揀一間近近地又任食嘅食返夠本😝嚟呢度係俾佢嘅日本黑毛和牛同任食鮑魚吸引咗，難得嚟到我一定要揀最好嘅嚟食💪🏼因為我哋揀咗日本黑毛和牛A4+套餐，所以有個Ｍ9和牛牛丸同埋海鮮拼盤送返，呢2個都不得了，和牛牛丸嘅牛味比一般牛丸濃，而海鮮拼盤就有扇貝、蟶子、鮑魚同大大隻生蠔，全部都好鮮甜😍湯底我哋揀咗魚白湯三文魚豆腐鍋，真係奶白色湯底，配料仲係嚟到自己落，睇到所有材料👍🏼趁等緊湯底滾起，我就緊係拎定其他配料同醬汁，淨係菜同丸都有好多款，跟住就食鮑魚做前菜先啦，喺小食類別有『鮑魚三吃』-古法醉鮑魚、炭燒鹽蔥鮑魚、柚子燒汁鮑魚，全部都係任食，未到戲肉我已經試晒3款，真係好正😍戲肉嚟喇，就係我呢個食肉獸最愛嘅牛肉同豚肉，日本黑毛和牛A4+真係好食到難以形容，啲雪花靚到😍建議灼一灼就可以食，真係嫩到不得了👍🏼伊比利亞黑毛豬梅肉都唔欺場，肉味好香而且唔鞋口，不斷食肉建議大家整個烏醋加蘿蔔泥嘅醬汁，食落會冇咁膩😝食到中途我忍唔住去望吓個雪糕櫃，行到埋去真係興奮到想叫出嚟，超多款，呢期仲有獨家MOVENPICK芒果雪葩，我忍唔住即刻食咗杯，前後食咗2杯勁
嚟呢度係俾佢嘅日本黑毛和牛同任食鮑魚吸引咗，難得嚟到我一定要揀最好嘅嚟食💪🏼因為我哋揀咗日本黑毛和牛A4+套餐，所以有個Ｍ9和牛牛丸同埋海鮮拼盤送返，呢2個都不得了，和牛牛丸嘅牛味比一般牛丸濃，而海鮮拼盤就有扇貝、蟶子、鮑魚同大大隻生蠔，全部都好鮮甜😍
湯底我哋揀咗魚白湯三文魚豆腐鍋，真係奶白色湯底，配料仲係嚟到自己落，睇到所有材料👍🏼趁等緊湯底滾起，我就緊係拎定其他配料同醬汁，淨係菜同丸都有好多款，跟住就食鮑魚做前菜先啦，喺小食類別有『鮑魚三吃』-古法醉鮑魚、炭燒鹽蔥鮑魚、柚子燒汁鮑魚，全部都係任食，未到戲肉我已經試晒3款，真係好正😍
戲肉嚟喇，就係我呢個食肉獸最愛嘅牛肉同豚肉，日本黑毛和牛A4+真係好食到難以形容，啲雪花靚到😍建議灼一灼就可以食，真係嫩到不得了👍🏼伊比利亞黑毛豬梅肉都唔欺場，肉味好香而且唔鞋口，不斷食肉建議大家整個烏醋加蘿蔔泥嘅醬汁，食落會冇咁膩😝
食到中途我忍唔住去望吓個雪糕櫃，行到埋去真係興奮到想叫出嚟，超多款，呢期仲有獨家MOVENPICK芒果雪葩，我忍唔住即刻食咗杯，前後食咗2杯勁滿足🤩平日午市仲有無限時優惠，而每晚7點半前離座價錢仲會再優惠啲，呢日我哋5點嚟到，食足2小時到7點就食飽埋單，比正價每人平咗40蚊呀🤩
呢度我會再encore👍🏼👍🏼
張貼
