Top Blade Steak Lab (新城市廣場一期) (已結業)

今日又喺新城市發掘一下有乜美食，路過見到呢間Top Blade覺得幾靚咁，環境又唔會太擠迫，牛癮又起咁就入去試下啦。我地點左2款牛，分別有Black Jack Flat Iron Steak 同埋 USDA Prime 390-day Grain Fed Flat Iron，我地點左5成熟，肉味濃郁而且帶有焦香，熟度亦啱啱好，唔會太過韌亦唔會太軟，有點咬口。另外，呢度嘅薯條係任食嘅。每食完1份又可以叫佢再加，上枱時熱辣辣，非常脆口。配上佢既薯條辣醬，口感十分刺激。以喺沙田嚟講，呢間食牛都算不錯。