Running 燒 (已結業)

今日同朋友係將軍澳行街，晚餐黎到Popcorn嘅Running燒歎番餐，平日晚市計埋加一大概$280，任燒110分鐘。餐廳環境都幾大幾舒服，而且估唔到平日都有唔少人黎食~肉類嘅選擇非常多，特別推薦牛五花肉，非常香口，黑豚腩肉燒完後半脆半腍。雞脾肉醃得好入味。唔同部位既肉亦分類得明顯，唔會放到好亂。海鮮亦都好吸引，有蠔、扇貝、帶子、蝦等等。蔬菜類仲可以自己出去自助區夾，款式超多。除咗燒肉，餐廳仲提供咗一啲韓式熟食，例如炸雞、年糕湯、辛辣麵。依個水冷麵煙煙韌韌，同熱辣辣嘅燒肉一齊食好過癮。飲品甜品同樣都係任食，亦都係自助形式，夠哂方便。整體，落單到送餐既速度亦快，侍應服務亦有禮。抵食。