熱點點心專門店

營業中

休息中

今日難得放假就陪亞媽飲下茶，店舖不大位於太子站A出口右轉行1分鐘，門口仲有外賣點心檔外賣，等10分鐘可入坐相比起去大酒樓等成世個number，真係快好多，啱曬我D吾冼急最緊要快ge人，枱上已放點心紙比你剔。亞媽點左佢至愛蜆蚧鯪魚球，魚丸淋身打得吾夠Q彈，我當然叫個蟲草花燉雞湯養下顏，用料十足味道也不錯，蝦餃、燒賣一籠2件/4件，我地叫2件可以嚐其他點心，蝦餃皮簿餡靚蝦肉新鮮，燒賣D豬肉餡夠大夠肉地好有鮮味，值得一試👍🏻春風得意腸，腸皮包著脆網紙中間仲有蝦，上面舖滿蟹子十份好味。香芒炸蝦卷炸物新鮮做唔油好味一流😋雪山叉燒包餡料亦不錯，瑤柱菜苗餃大大隻，鳳眼形上面仲舖滿瑤柱絲，用料一D都吾小氣店舖亞姐服務快手快腳不慌不忙，茶$4位全日免收加一，點心熱辣辣上枱8樣野人均消費$100。小店而言總體是高質👏🏻點心仲系全日供應。