影片
更多
2021-06-02
168 瀏覽
呢間日本餐廳以蠔做主打，一入到去成個感覺都好日式，電視播緊日本嘅節目，門口既凍櫃放咗好多生蠔😍😍😍入到去令我驚訝嘅係餐廳竟然八成都係日本人😮😮個餐牌嘅設計好靚，分開咗食物同埋飲品嘅餐單。特上刺身拼盤($440）入面分別有三款日本直送鮮魚，吞拿魚拖羅，北海道海膽，北海道帆立貝同埋牡丹蝦。刺身好新鮮，鮮甜美味，每一款都好好食！而且賣相好靚😍明太子芝士玉子燒($98)呢個係即點即做，入面有勁多芝士同明太子，調味剛剛好，不會過鹹，而且仲有拉絲嘅效果！牡蠔忌廉意粉($118)呢個意粉入面有三隻蠔，醬汁好濃郁，而且呢隻意粉口感好煙靭，好有驚喜！鐵盒燒生蠔半打 ($220)店員會拎埋個爐係我哋面前整，其實呢個唔係燒，放咗好多清酒係個盒入面，然後用蒸嘅方法，蒸十分鐘。然後再即開即食，熟咗嘅蠔依然食到佢嘅鮮甜，每一隻都好飽滿，唔需要加任何調味料同醬汁，已經好好食！最後再點左一款蠔既黑啤，係將蠔殻打碎，再攝取入面嘅精華而製成嘅黑啤，聞落去同普通黑啤冇乜分別，但係飲落去味道都幾得意，有少少醬油味道，而且會飲到蠔既銹味，好特別！
入到去令我驚訝嘅係餐廳竟然八成都係日本人😮😮
個餐牌嘅設計好靚，分開咗食物同埋飲品嘅餐單。
特上刺身拼盤($440）
入面分別有三款日本直送鮮魚，吞拿魚拖羅，北海道海膽，北海道帆立貝同埋牡丹蝦。
刺身好新鮮，鮮甜美味，每一款都好好食！而且賣相好靚😍
明太子芝士玉子燒($98)
呢個係即點即做，入面有勁多芝士同明太子，調味剛剛好，不會過鹹，而且仲有拉絲嘅效果！
牡蠔忌廉意粉($118)
呢個意粉入面有三隻蠔，醬汁好濃郁，而且呢隻意粉口感好煙靭，好有驚喜！
鐵盒燒生蠔半打 ($220)
店員會拎埋個爐係我哋面前整，其實呢個唔係燒，放咗好多清酒係個盒入面，然後用蒸嘅方法，蒸十分鐘。然後再即開即食，熟咗嘅蠔依然食到佢嘅鮮甜，每一隻都好飽滿，唔需要加任何調味料同醬汁，已經好好食！
最後再點左一款蠔既黑啤，係將蠔殻打碎，再攝取入面嘅精華而製成嘅黑啤，聞落去同普通黑啤冇乜分別，但係飲落去味道都幾得意，有少少醬油味道，而且會飲到蠔既銹味，好特別！
張貼
