廣東名門 (三聖市場)

營業中

休息中

服務差個Captain話買左海鮮先可以安排入座，我地咪去買左先，點知攞左海鮮去到，又話要排隊，足足企左45分鐘，以為好滿先要等，殊不知其間見裡面仲有檯無人，咪問下個Captain, 佢話你訂八點半嘛，都未夠鐘，咁樣嘅服務，係呢度先有。煮功海鮮係同關財記買嘅，後尾試晒，可以講，係我今生未食過咁無味嘅海鮮，係完全無味，花甲無味，瀨尿蝦無味！廣東名門亦用無味蘿蔔和味精水炮製出一碟完全無味嘅油塩水花甲，收我地煮功$160,我覺得離譜得膠關。關財記嘅瀨尿蝦本身都無鮮味，廣東名門用小學雞嘅煮功，攪左碟椒塩瀨尿蝦，唔脆兼無火喉，仲油淋淋，差過屋企自己煮！油塩水蟶子就同我整咗豉椒炒蟶子，雖然佢話賠番俾我地，我地怕賠啲唔知咩貨色，唯有照食！成晚最好就係果8隻砵酒煮蠔，不過都係果句火喉唔夠，可能個爐頭溫度唔夠，師傅又唔夠功夫。其他辣酒煮花螺，椒塩鮮魷，唔夠火喉，炒豆苗，老過咩咁，糯米飯求求其。結論我地四個人，煮功收我$850，關財記海鮮$780，兩間店雙劍合壁，無鮮味海鮮加小學雞煮功，收5星酒店中菜廳價錢，大家自行決定會不會幫襯。