廣東名門 (三聖市場)

今日太極師傅生日, 我們一群同學中午練功完畢, 便去屯門三聖邨吃個海鮮餐, 大眾同樂.先去三聖市場海鮮檔買多款海鮮,  好生猛夠新鮮.   價錢也不便宜.  再去 [廣東名門]  加工.  烹煮方式是自選.   這裡訂了個貴賓房, 座位舒適.  今日多道海鮮, 烹調不錯,  : 白灼赤米蝦:  蝦肉很鮮嫩,    十分美味.花甲勝瓜湯:  夏日炎炎,  無沙花甲配上爽口勝瓜, 無得輸.椒鹽瀨尿蝦:    瀨尿蝦勁大隻, 蝦殼炸得紅卜卜, 炸得透蝦肉輕易剝離,  蝦肉非常鮮甜帶椒鹽味更可口.  豉椒炒蟶子皇配炒米粉:    蟶子皇炒的時間剛剛好, 蟶子好厚肉,  口感爽脆,  豉味香濃醬汁亦不會蓋過主角的鮮甜味,  炒米粉底好脆又不油膩.   蒜蓉粉絲蒸元貝: 元貝好厚肉,  蒸得岩岩好不會韌,  蒜蓉夠香,  伴上蒜蓉粉絲, 粉絲也極柔軟, 真唔錯.芝士焗開邊龍蝦:   每人半隻.  芝士落得滿滿焗得焦香. 龍蝦肉 新鮮彈牙.  越食越愛.蒜蓉粉絲蒸元貝, 芝士焗開邊龍蝦半隻.  慢慢食.西芹炒龍躉球, 龍躉班很新鮮, 肉質鮮美.   炒的時間控制得很好, 保持滑魚肉, 吾油膩, 配上翠綠西芹,  有鑊氣.炸生蠔:  炸漿好脆, 生蠔肥美入口嫩滑.  吃了口炸生蠔, 再吃口青菜, 平衡了油膩感. 鹽水浸蜆肉菜芯:  菜芯好嫩綠, 味道清甜,  蜆肉飽滿無沙又大粒, 入口鮮甜,  吃得滿意.薑蔥炒蟹:  惹味的菜式, 有大量薑蔥, 炒蟹好新鮮, 蟹肉食到鮮味,   又相當惹味. 這次海鮮餐, 食物水準不錯,  烹調手工也優質. …查看更多

前晚飯局，朋友買點海鮮，訂了枱，名門，一行11人，結果是非常失望，估不到現在的海鮮酒家的表現是這樣……長話短說結論如下：1）碗碟不太乾淨，油淋淋！2）斤半白灼蝦食完，洗手檸檬水都冇！168蚊加工費，bad service ！3）1條1斤11两多既游水青斑，蒸完出黎可以蒸過曬火，又鞋又梅！呢種低級錯誤，冇理由出現！如果不是朋友請客，我一定拍枱，追究到底！4）咕嚕肉，味道可以，但肉炸吾透，食完會鞋利！5）鼓油王炒面，有點咸，有點燶味，成碟面碎濕濕，108蚊碟，吾合格！6）桶蠔，真係好老土，兩盒桶蠔，共13隻一碟，朋友買100蚊一盒，共買2盒，佢要加工費每盒收100蚊，即係收200蚊但係得一碟，真係好過去搶（有被老屈感覺）！7）其他個啲沙沙石石就吾講啦，但一定要補充，冷氣吾夠凍，越食越熱，可能啲嘢食整的差，影響心情！8）唯一要贊，係蒜茸炒白菜仔，全晚最好味！9）總結：感覺廚藝好一般，收費貴但又吾值！（加工費：魚，蝦，蟹，@$6/両，聖子@$15/隻，桶蠔@$100/桶，象拔蚌@$8/両……）， 其實貴唔緊要，但係你真係畀唔到應有嘅質素和服務我囉， 連一條一斤十一兩重嘅魚你都可以蒸到佢過熟同埋焗到梅曬， 你收我咁嘅價錢， 條氣真係頂到上心口（朋友請客，登佢不值）！難怪，個個返大陸食嘢，甘既收費，甘既表現，點留港消費呀？？？大佬呀，我係百份百既土生土長既香港人，吾係自由行呀！點支持本地消費呀，真係冇下次囉！…查看更多

這間餐廳的用餐體驗實在令人失望。出菜順序混亂不堪，先出蔬菜，再出海鮮，徹底打亂用餐節奏。服務態度更是冷淡，招手示意經常被無視，即便成功點餐，也感受不到絲毫熱情。整體而言，從出餐到服務都雜亂無章，讓人難以享受餐點。不會想再訪，也不推薦給注重用餐品質的人。…查看更多

今次係我第三次嚟名門海鮮酒家食海鮮，每次都係喺對面嗰檔海鮮檔買新鮮海鮮，之後由嗰位海鮮檔哥哥介紹過嚟做加工。佢仲會親自護送我哋過去酒樓，服務一流，態度親切。我基本上一年四季都會嚟名門一次，長期都維持住穩定水準，價錢亦合理。所以成日都會推介俾朋友。頭兩次係陪親戚，今次就係約咗朋友嚟食。今次我哋喺海鮮檔買咗普通Size既瀨尿蝦、花螺、兩隻龍蝦同一紮聖子。去到名門之後，我哋選擇咗蒜蓉粉絲蒸聖子、避風塘炒瀨尿蝦、上湯焗龍蝦，仲有辣酒煮花螺。除咗海鮮之外，我哋再叫咗半隻名門炸子雞同一鍋鹹魚雞粒炒飯。成餐飯入面，最驚喜一定係上湯焗龍蝦，龍蝦好大隻，啖啖肉，新鮮得嚟又彈牙，仲整得好入味；蒜蓉粉絲蒸聖子亦都非常出色，聖子清理得好乾淨，冇沙，粉絲吸晒啲鮮味湯汁，非常滿足。辣酒煮花螺夠香夠辣，花螺新鮮彈牙；避風塘炒瀨尿蝦鑊氣十足，蒜香撲鼻，完全係經驗老到嘅師傅先整到呢個水準。鹹魚雞粒炒飯都唔輸蝕，一大鍋夠四個人分，炒得乾身香口，仲有焦香飯焦。唯一稍為失色嘅就係嗰隻炸子雞，雖然皮脆肉嫩，但味道比較淡，調味唔夠重，似係簡單用少量鹽醃咗就炸，所以略為失色。不過講真，嚟呢度都係主打食海鮮，其他小炒都係陪襯，所以唔會太介意。總括而言，四百幾蚊一位 ( 連買海鮮既錢）就可以食到咁多款高質海鮮，服務態度OK ，份量足夠飽肚又滿足，性價比真係高。相比起鯉魚門或者西貢，屯門三聖一帶真係數一數二。如果之後再有親戚朋友嚟香港，我一定會再帶佢哋嚟呢度食過癮！…查看更多

食物比普通更差及冇特別，冇推介，附近餐廳或者更好。但是，服務仲唔識講咁差！未去過，不如其他附近食店試吓。不是近海鮮鋪就是好。只識攞貼士。俾得少就黑面。咁你又唔係冇加一喎。真係差。…………………………………………………………………………………查看更多