MEMOIR

營業中

休息中

一開始比餐廳名吸引到，memoir是指回憶錄意思，就即刻book左位去試。餐廳環境昏暗，用咗大量乾花裝飾，加埋柔和燈光，非常有情調，適合情侶撐枱腳。好中意牆上一句「Don’t wander to what’s coming next, cherish this moment.」，意思係要活在當下，好岩我哋忙碌香港人。今晚見到好多人慶祝生日🎂，餐廳會有一個白色鋼琴音樂盒播住生日歌，同埋有一束乾花，上面有2人寶麗來即影即有相片，非常推薦黎慶生，而且性價比好高。今次叫左餐廳出名嘅龍蝦汁蟹肉意大利飯，另外朋友揀左小食吉列牛肉薯餅，同埋日式芥末汁燒帶子意粉。吉列牛肉薯餅炸得非常香脆，外脆內軟，薯蓉順滑，餡料食到牛肉味，好香口，配埋蜜糖芥末醬，酸酸地中和返油膩感。龍蝦汁蟹肉意大利飯濃稠龍蝦汁圍住意大利飯，除咗有2隻蟹腳，意大利飯入面仲夾住好多蟹肉，有驚喜，每一啖都食到蟹肉同埋龍蝦汁鮮甜味，果然係餐廳推介。日式芥末汁燒帶子意粉燒帶子肉質厚實，醬汁味道有少許芥末香辣味，為意粉提味增香，同時提振食慾。