影片
更多
2017-06-08
626 瀏覽
自問係米線狂魔，有幾鍾意？365日超過一半都好想食米線荃灣老闆娘米線休息咗一輪重開，當日要搵日拜訪！周末8點零去到熟食中心，喺門外排排坐等位，雖然有近10人等位，但15分鐘左右已經有位，邊等位邊填定落單紙，時間好快過~麵款、湯底、辣度都有得選擇，我揀咗麻酸辣米線，因唔食得太辣但鍾意惹味，揀咗BB辣~ 落單紙冇得揀走青，我完全唔食，嘥咗，不過好貼心咁匙羹裝住，一吓就扔晒上枱大大碗，第一啖梗係試湯底先，麻香十足辣度我啱啱好食到，配上恰到好處嘅酸爽，非常醒胃，食到後段都忍唔住食唔停口豬腩肉跟米線一齊上，呢個絕對係encore之選肥膏同皮入口即化，肉位鬆軟，總體相當入味，正!朋友就揀咗蒙古湯米線，呢款湯冇得揀唔辣，揀咗BB辣~我飲咗幾啖湯試味，好香孜然同香料味，都幾特別，偶爾轉口味食下都唔錯o架~我哋一口氣叫咗幾款炸物，平均質素都幾好，起碼新鮮現炸夠用心，印象最深刻係招牌菜炸雞球，大大件咬開嫩滑有汁，而且冇雪味，呢個價位有呢個質素係驚喜嘅~今餐食落超級滿足，個湯底好啱我口味，雖然老闆娘個位隔涉咗些少，不過一定翻兜
周末8點零去到熟食中心，喺門外排排坐等位，雖然有近10人等位，但15分鐘左右已經有位，邊等位邊填定落單紙，時間好快過~
麵款、湯底、辣度都有得選擇，我揀咗麻酸辣米線，因唔食得太辣但鍾意惹味，揀咗BB辣~ 落單紙冇得揀走青，我完全唔食，嘥咗，不過好貼心咁匙羹裝住，一吓就扔晒上枱大大碗，第一啖梗係試湯底先，麻香十足辣度我啱啱好食到，配上恰到好處嘅酸爽，非常醒胃，食到後段都忍唔住食唔停口
豬腩肉跟米線一齊上，呢個絕對係encore之選肥膏同皮入口即化，肉位鬆軟，總體相當入味，正!
朋友就揀咗蒙古湯米線，呢款湯冇得揀唔辣，揀咗BB辣~我飲咗幾啖湯試味，好香孜然同香料味，都幾特別，偶爾轉口味食下都唔錯o架~
我哋一口氣叫咗幾款炸物，平均質素都幾好，起碼新鮮現炸夠用心，印象最深刻係招牌菜炸雞球，大大件咬開嫩滑有汁，而且冇雪味，呢個價位有呢個質素係驚喜嘅~
今餐食落超級滿足，個湯底好啱我口味，雖然老闆娘個位隔涉咗些少，不過一定翻兜
張貼
