影片
更多
2022-04-05
1190 瀏覽
食嘢除咗講味道, 仲要講緣份!🤗 話說早幾年前朋友介紹下, 第一次喺香港認真食Omakase, 一試難忘, 大開眼界. 負責嘅就係Yu 師傅. 第二次食同一間鮨店, 冇指明師傅, 結果不一樣. 此後N訪都係搵Yu 師傅. 故事嘅發展就係師傅突然消失咗. 後來係谷友嘅一條視頻俾我搵到佢! 人在天沢.🍽 今日初訪兼尋人. 餐廳設有一張L型12人吧枱. 兩位師傅各一打六. 點咗15貫壽司餐, $680+10%🍅 前菜: 水果蕃茄. 鹹鹹地, 幾好味.🍲 蟹肉茶碗蒸: 超級非常熱, 夠味. 有蟹肉.🍣 第一件... 天然依佐木, 四日熟成. 加咗苺醬, 提升咗魚味. 以第一件壽司嚟講, 相當唔錯!第二件... 伊豆下田地金目鯛. 新鮮, 充滿油脂感. 好食!第三件... 帆立貝, 配海藻鹽. 厚身, 爽口, 鮮甜. 口感充實. 讚!第四件... 鰹魚, 用禾稈草燒咗魚皮. 聞落冇燒咗嘅味, 食落就好香. 特別.第五件... 天草天然石垣鯛. 口感好似魷魚咁. 粘身. 越咬越出油. 驚喜之一.第六件... 赤貝. 爽口.第七件... 天然深海池魚. 魚味濃郁. 正呀!第八件... 白蝦, 昆布漬
🤗 話說早幾年前朋友介紹下, 第一次喺香港認真食Omakase, 一試難忘, 大開眼界. 負責嘅就係Yu 師傅. 第二次食同一間鮨店, 冇指明師傅, 結果不一樣. 此後N訪都係搵Yu 師傅. 故事嘅發展就係師傅突然消失咗. 後來係谷友嘅一條視頻俾我搵到佢! 人在天沢.
🍽 今日初訪兼尋人. 餐廳設有一張L型12人吧枱. 兩位師傅各一打六. 點咗15貫壽司餐, $680+10%
🍅 前菜: 水果蕃茄. 鹹鹹地, 幾好味.
🍲 蟹肉茶碗蒸: 超級非常熱, 夠味. 有蟹肉.
🍣 第一件... 天然依佐木, 四日熟成. 加咗苺醬, 提升咗魚味. 以第一件壽司嚟講, 相當唔錯!
第二件... 伊豆下田地金目鯛. 新鮮, 充滿油脂感. 好食!
第三件... 帆立貝, 配海藻鹽. 厚身, 爽口, 鮮甜. 口感充實. 讚!
第四件... 鰹魚, 用禾稈草燒咗魚皮. 聞落冇燒咗嘅味, 食落就好香. 特別.
第五件... 天草天然石垣鯛. 口感好似魷魚咁. 粘身. 越咬越出油. 驚喜之一.
第六件... 赤貝. 爽口.
第七件... 天然深海池魚. 魚味濃郁. 正呀!
第八件... 白蝦, 昆布漬. 我幾鍾意個味, 可惜少少偏鹹.
第九件... 赤身醬油漬, 十一日熟成. 魚質嫩滑. 味道比想像中淡.
第十件... 箱降拖羅, 十一日熟成. 嘩, 超肥美. 保留到濃郁嘅魚味.
第十一件... 秋生水產海膽. 鮮甜.
第十二件... 淡路手釣池魚. 肉質非常結實. 爽口. 我鍾意呢個口感. 略嫌薑蔥輕微搶咗味.
第十三件... 備長炭燒赤鯥魚. 油脂滿溢. 掂! 炭燒比火槍燒又高一級.
第十四件... 鯖魚卷. 燒咗嘅. 酸酸地嘅白板昆布中和到油膩感. 超級好食. 驚喜之一.
第十五件... 穴子. 聽講係用自己啲骨熬番個汁出嚟, 淋番上面. 個人覺得魚肉唔夠滑.
第十六件... 乾飄卷. 我諗都係驚你唔夠飽.
🥣 花甲麵豉湯, 合格. 最後仲有栗子味雪糕或者熱咖啡, 出奇地好食. 大滿足.
講下餐廳門口. 正如谷友所講, 早到嘅就焗係個四方格到. 問題係清唔到早輪俾下輪做生意. 扣咗分.
🤗 總結一下: 整體服務周到, 就係轉場位要搞搞. 師傅講解魚料名稱, 特性及味道非常清晰. 食物方面, 唔玩花式, 唔玩視覺, 你可以話唔夠賣點. 天沢專注新鮮魚料食材, 令人著迷, 而且性價比極高. 一定會再訪.
張貼
