影片
港鐵尖沙咀/尖東站 N1 出口, 步行約1分鐘
繼續閱讀
電話號碼
59502952
開飯介紹
現代木系裝潢、環境高級的日式餐廳，只設有吧檯座位，每位客人都能觀賞師傅炮製菜式。主打壽司為主的廚師發辦設有不同價位，豐儉由人。
繼續閱讀
營業時間
今日營業
12:00 - 15:30
19:00 - 23:00
星期一至日
12:00 - 15:30
19:00 - 23:00
以上資料只供參考, 請與餐廳確認詳情
有關獎賞計劃
食家推介
今日黎到位於尖沙咀既哩間廚師發辦餐廳食午餐。餐廳環境雅致舒適，有L型長吧枱位置，能夠望到師傅製作壽司嘅過程。午市有兩款唔同價格嘅套餐可以選擇～🍣 寿し15貫コース15 kinds of sushi $728🔸先付 Appetizer清甜既水果蕃茄配上爽脆既日本水菜。🔸茶碗蒸Steamed Egg蟹肉茶碗蒸滑嫩，入面超多蟹肉，仲有菇同香草～🔸握り15貫15 kinds of nigiri sushi真鯛、平目魚、赤貝、鰹魚、白蝦、石垣鯛、鰤魚、墨魚、赤身、霜降拖羅、海膽、池魚、車海老、赤鯥魚、鯖魚卷天然真鯛質感柔軟，味道清甜；平目魚即係左口魚，下面有少少梅醬，入口新鮮鮮甜；赤貝爽彈脆口；禾稈草燒鰹魚魚味非常突出，味道濃郁；白蝦中間加上少許柚子皮，經過昆布漬既白蝦味道更鮮甜；仲帶有柚子香；石垣鯛口感似墨魚，質感黏口，帶有獨特油香；鰤魚入面加咗少少柚子胡椒提鮮，肉質清爽；墨魚切絲後口感更好，味道亦更鮮甜。來自靜岡縣伊豆下田既赤身及拖羅，醬油漬赤身質感柔軟，魚味濃郁；霜降拖羅油脂豐富，充滿魚油香；秋山水產嘅馬糞海膽超級鮮甜，非常好食；手釣池魚肥美爽身，加上薑蔥調味；半山熟嘅車海老，口感更平衡，味道鮮甜又爽彈；經過備長炭燒製嘅赤鯥魚油份較重，帶有炭香；備長炭燒製嘅鯖魚卷，上面有微酸既白板昆布，能夠中和鯖魚既油膩感。🔸お椀Soup花甲麵豉湯入面有三舊花甲，味道清甜。🔸デザートDessert甜品可以揀開心果雪糕或者熱咖啡，我地就仲揀左開心果雪糕，食埋之後真係非常滿足～
繼續閱讀
這間位於尖沙咀的天沢，乃城中預約困難店，裝潢以木系為主調，環境高雅舒適，主打傳統江戶前壽司，食材嚴選每天由日本空運直送，提供不時不食的優質廚師發板。🫧寿し15貫コース15 kinds of sushi $728🦋先付 Appetizer水果蕃茄清甜解渴，配搭日本水菜，清新開胃。🦋茶碗蒸Steamed Egg以高湯及蟹肉烹調，入口滑溜。握り15貫15 kinds of nigiri sushi🦋天然真鯛｜肉質嫩滑，口感一流。🦋天然平目魚｜以梅醬調味，魚味鮮郁。🦋赤貝｜師傅拍打過令其口感更爽脆。🦋禾稈草燒鰹魚 ｜經禾稈草煙燻過，突出鰹魚的鮮甜真味，鮮而不腥。🦋昆布漬白蝦｜鮮甜的白蝦中間夾住柚子皮，再加上昆布漬，令甜度提升。🦋石垣鯛｜口感帶黏口彈性，具獨特油香，垂涎三尺。🦋鰤魚｜油潤光澤，以柚子胡椒調味，令人食指大動。🦋墨魚｜切成條狀的墨魚，入口更易咀嚼，鮮美盡現。🦋赤身｜來自靜岡縣衣豆下田的赤身，熟成20日後製成醬油漬，魚身帶甜。🦋霜降拖羅｜油份較重，唇齒生香，大滿足。🦋秋山水產馬糞海膽｜入口即化，濃郁鮮味在口腔綻放。🦋手釣池魚｜口感較爽身，以茗荷提鮮去腥，百吃不厭。🦋竹蝦｜師傅將竹蝦弄至半生熟，令甜度及爽口口感更平衡。🦋赤鯥魚｜油份偏重，經備長炭燒過，炭香撲鼻撩起食慾。🦋鯖魚卷｜最令人驚喜的壓軸一貫，將鯖魚、白板昆布、紫蘇葉卷成鯖魚卷，最後以備長炭增添香氣，有如畫蛇點睛，味道層次豐富。🦋お椀 Soup蜆湯🦋デザートDessert開心果雪糕
繼續閱讀
位於尖沙咀繁華地段的天沢日本料理餐廳，以其精緻的壽司和新鮮的海鮮而聞名。最近，我品嚐了他們的午市套餐，發現它物超所值，令人印象深刻。前菜：番茄水菜沙拉沙拉清脆爽口，番茄酸甜多汁，水菜嫩綠清香。蟹肉茶碗蒸茶碗蒸熱騰騰的，蟹肉鮮美彈牙，蛋羹滑嫩細膩。15貫壽司淡路天然真鯛：肉質細嫩，鮮味十足。山口縣天然九繪魚：肉質緊實，口感爽脆。北海道小樽八角魚：肉質鮮甜，帶有獨特的風味。赤貝：貝肉鮮嫩，充滿海洋氣息。禾稈草燻燒鰹魚：煙燻味濃郁，口感柔嫩。天然石恒鯛：肉質細緻，鮮味悠長。鰤魚腩配柚子胡椒：油脂豐富，柚子胡椒提味，酸辣適中。墨魚配薑汁柚子汁：墨魚鮮甜彈牙，薑汁柚子汁清爽解膩。青森大間醬漬赤身/中拖：赤身肉質緊實，中拖油脂豐富，醬漬入味，鮮味十足。海膽：鮮甜濃郁，入口即化。手釣池魚：肉質細嫩，鮮味甘甜。昆布漬白蝦：蝦肉鮮甜爽脆，昆布漬酸甜可口。備長炭燒赤鯥魚：魚肉鮮嫩多汁，炭燒香氣撲鼻，炙燒後香氣四溢。鯖魚棒：肉質肥美，油脂豐富，吸物：蜆湯清澈鮮美，蜆肉鮮嫩多汁，每一口都讓人暖心暖胃。甜品：開心果雪糕香濃綿密，開心果碎粒增添口感，為這頓美食之旅畫上一個完美的句點。
繼續閱讀
📍二訪尖沙嘴高水準omakase‼️• 15件壽司大滿足😍 — 天沢🍣·Follow @pigfoodiexhk for more food!🐷#pigfoodiexhk_尖沙咀#pigfoodiexhk_日本菜============================半年前第一次到訪覺得幾有驚喜,而且性價比高！😍lunchtime $728就享用到15件壽司，連前菜、茶碗蒸、甜品/飲品😙難怪兩次嚟都坐滿晒🙌🏻———————————————————-⭐️15 kinds of sushi$728/pp🍣🍣🍣天然真雕• 天然九繪魚·北海道八角魚·禾稈草燒鰹魚•赤貝•天草產石垣鯛• 鰤魚• 墨魚•醬油漬赤身•拖羅•馬糞海膽·昆布漬白蝦•手釣池魚•備長炭燒赤鯥魚•備長炭燒鯖魚卷整體嚟講全部都幾有水準，非常新鮮～當中嘅八角魚幾特別，係有啲牛油嘅香氣😙禾稈草燒鰹魚有陣陣炭烤香，加上蒜蓉洋蔥汁帶點惹味😍天草產石垣鯛食落漿口，有啲似墨魚～拖羅油脂豐腴👍鰤魚用咗魚腩位，食落好肥美🤤馬糞海膽非常鮮甜creamy😝昆布漬白蝦帶少少彈牙，加埋柚子皮調味好清新😆·⭐️茶碗蒸·⭐️麵豉湯係用咗花甲熬製嘅麵豉湯😝飲落好鮮甜，花甲都幾厚肉！·⭐️開心果雪糕上次嚟都係食開心果雪糕😙味道依然夠濃👍😍·⭐️咖啡————————————————————賣相：3.8/5味道：4.4/5性價比：3.5/5推介度：4/5————————————————————📍天沢 @amasawa.hk 尖沙咀麼地道30號麼地大廈1樓
繼續閱讀
❀ 天沢 #尖沙咀 ❀❗人氣預約困難店 至抵食高質omakase❗——————————————————相信有留意開omakase嘅對呢一間餐廳絕對唔陌生‼️位於尖沙咀K11商場附近嘅「天沢」，主打正宗江戶前壽司🍣冇花巧多餘嘅佈置，堅持採用務實嘅方式處理最新鮮時令嘅食材，呈現傳統嘅味道🥰午市15件壽司omakase都只需$728，絕對係性價比高之選👍🏻因此絕對人氣預約困難店，想食嘅絕對要提早book位。.✷𝑀𝑒𝓃𝓊✷☞ Lunch omakase (15件壽司) $728♥ 先付 蕃茄水菜♥ 茶碗蒸先有一道簡單嘅前菜。另外再有美味嘅茶碗蒸，同師傅講用咗兩款唔同嘅蛋製作，令到口感更滑溜，同時蛋味更突出😚裏面仲有唔少蟹肉添😆.♥ 壽司15貫午市七百幾蚊有15件壽司真係非常之抵，對於一個女仔嚟講都幾飽肚，要預先同師傅講定少飯。師傅會嚴選當時最新鮮嘅食材。先有軟腍嘅天然真雕、加添少許梅醬嘅龍躉、富有牛油香氣嘅北海道八角魚、禾稈草燒鰹魚配蒜蓉洋蔥汁。然後係唯一一款貝類——赤貝，加咗少許青檸，清新爽口。跟住係我最愛嘅天草天然石垣雕，口感黏口，有少少似墨魚，非常獨特✨接着，有油份較重嘅獅魚腩位，加咗柚子胡椒平衡油膩感。仲有墨魚，師傅特意切到一絲絲，口感更佳😙嚟到餐廳重頭戲——吞拿魚。師傅會先擺出原產地嘅牌，再展示醬油漬吞拿魚及中拖羅刺身供客人拍照📷成為咗餐廳嘅招牌動作。醬油漬吞拿魚口感會較為軟腍。中拖羅就油份飽滿，味道鮮甜，但又唔會好似大拖羅咁滯😋接着到另一個重頭戲，非常鮮甜美味嘅馬糞海膽，係近期食過最高質嘅海膽。然後有手釣池魚、柚子皮白蝦、備長炭燒赤鯥魚，煙燻香氣重，味道甜甜地。最後亦係餐廳嘅招牌🤩基本上每一日都會提供，備長炭燒鯖魚，表面加上一塊糖醋白板昆布，味道偏酸。.♥ 吸物飯晒15件壽司之後，就一碗麵豉湯清一清喉嚨。麵豉湯內有大量花甲，令到味道更清甜，唔會調得麵豉嘅死鹹😋.♥ 甜品可以選擇開心果雪糕或者咖啡。大推開心果雪糕🍦非常香濃☺️——————————————————✨整體味道: 4/5 ✨環境裝修: 4/5✨服務態度: 4.2/5✨性價比: 4.5/5✨再訪興趣: 4/5.💞整體來講$728絕對係超值‼️有15件高質鮮甜嘅壽司，最後仲有美味嘅開心果雪糕，難怪開業至今經常預約爆滿，喜歡日本菜嘅你必定要試😆
繼續閱讀
您可能會有興趣的...