影片
更多
2023-02-24
36 瀏覽
餓嗎家姐？我餓了，終於草夠錢食 omakase 🥹 老老實實，寫咗咁多年呢篇竟然係我第一篇寫嘅 omakase，真係一千零一篇，食都食過唔少，好多呢類型多款式嘅嘢普遍多過 10 款嘢我就唔會寫，可想而知我係幾咁懶 😂😂不過今次呢間破戒了，餓嗎家姐基本上對於呢個價錢 / 品質上係應該，因為有幾樣嘢特別值得我去講一講，所以我都勉為其難去寫一寫，真係有心做嘅，呢篇亦都唔會太過長篇大論，主要都係講一講重點 -.- 值得去食嘅重點位於銅鑼灣渣甸街樓上嘅位置，上到去望一望有個左邊大酒櫃，右邊有個熟成魚櫃，中間有個親切五星服務嘅姐姐，前面檯有大家喜歡嘅靚仔師傅，廢話亦係唔太多講，有 13 品 $1680 / 16 品 $2080，亦有分生食 / 熟食可以揀，唔食生嘢嘅朋友都可以揀熟食 🥰 大食的 me 揀咗 16 品表示都好飽下，正常 13 品其實好夠，好食亦對得住個價入正題啦 🫢圖二：前菜嘅鹽燒大溝貝 + 白子豆腐 + 千層薯仔 + 椰菜，白子豆腐做到易入口，千層薯仔都非常千層圖三：湯凍象拔蚌壽司 + 蟹肉蟹膏壽司 + 熟蟹肉鵪鶉蛋 + 熟龍蝦伴蝦菇汁圖四：烏魚子金目鯛 + 紫海膽螢光魷魚拌飯 +
不過今次呢間破戒了，餓嗎家姐基本上對於呢個價錢 / 品質上係應該，因為有幾樣嘢特別值得我去講一講，所以我都勉為其難去寫一寫，真係有心做嘅，呢篇亦都唔會太過長篇大論，主要都係講一講重點 -.- 值得去食嘅重點
位於銅鑼灣渣甸街樓上嘅位置，上到去望一望有個左邊大酒櫃，右邊有個熟成魚櫃，中間有個親切五星服務嘅姐姐，前面檯有大家喜歡嘅靚仔師傅，廢話亦係唔太多講，有 13 品 $1680 / 16 品 $2080，亦有分生食 / 熟食可以揀，唔食生嘢嘅朋友都可以揀熟食 🥰 大食的 me 揀咗 16 品表示都好飽下，正常 13 品其實好夠，好食亦對得住個價
入正題啦 🫢
圖二：前菜嘅鹽燒大溝貝 + 白子豆腐 + 千層薯仔 + 椰菜，白子豆腐做到易入口，千層薯仔都非常千層
圖三：湯凍象拔蚌壽司 + 蟹肉蟹膏壽司 + 熟蟹肉鵪鶉蛋 + 熟龍蝦伴蝦菇汁
圖四：烏魚子金目鯛 + 紫海膽螢光魷魚拌飯 + 醬油漬吞拿魚赤身 + 野菜雞卷
圖五：燒嘅熟嘅沙甸魚 + 生嘅沙甸魚漬物 + 赤目魚一夜干 + 五日熟成真鯛壽司
圖六：燒喜之次 + 青柳貝 + 鰹魚伴紅油乾蔥蒜 + 煙燻鰤魚
圖七：厚岸蠔 + 熟成吞拿魚鮫 + 和牛 + 鰹魚稻草燒
圖八：鯖魚棒 + 松葉蟹拌麵 + 蒸餾湯 + 甜品血橙 x 銅鑼燒 x 菠蘿橙雪葩 + 啲橙皮添
基本每一品都好好食，咁就有特別想講嘅係出色有呢個「厚岸蠔」啦，真係好肥美好新鮮，厚肉蠔味重，個蒜汁亦好濃好正，上到鐵板仲 jar jar 聲；「備長碳吞拿魚鮫」就好肥美兼爆油，點埋個太陽蛋令到個層次再升級；「燒和牛」亦都係放入口一咬溶口嘅系列，配埋少少酸嘅芥末子就會清新一啲去咗啲油膩感，隔離嘅炸蒜片都好正；「鰹魚稻草燒」嘅煙燻味好重，好食，當中由洋蔥同和風汁搞成 mousse 汁，正到呢
而Top 4 系列有：4. 「蒸餾湯」，由野菜、三葉、菇去燉，再煲煲呢個木魚片同昆布蒸餾一下，出到嚟個效果真係超級鮮甜，湯控表示滿足 😛 3. 「松葉蟹拌麵」，蟹油 + 蟹肉 + 蟹湯三為一體，蟹湯濃、蟹油香、蟹肉鮮，三重重蟹味享受，想知咩感受就睇一睇圖，不過睇圖睇唔到感受，要去食先感受到；2. 「海膽壽司」加咗啲唔鹹嘅鹽輕輕調一調味，Top 嘅靚海膽，超新鮮，超濃嘅海膽鮮味，大舊嘅口感，好夠黏口好夠密度，呢個睇一睇圖應該都 feel 到；最後 no.1 就係呢件「鮟鱇魚肝雪糕」，隻碗真係夠晒誠意，一個手形狀嘅石碗，咁最主要呢個係第一次食，當中係非常有驚喜，冇咗魚肝嗰種腥味，將鮟鱇魚肝嘅分子打成雪糕嘅口感，個密度特別密，所以口感相對上比較豐富同濃厚，魚肝味亦特別出，真係食到好感動，想知幾感動？都係睇一睇返圖一，係感動唔到嘅，上到去食就兒子生性病母加倍感動 🤤
螢雪
銅鑼灣渣甸街 66 號亨環 7 樓
張貼
