福元湯圓

營業中

休息中

今日返半日工, 放工搭車去離公司不遠的炮台山食晏。到處行一陣(最有印象係路過一間茶餐廳 - 半島冰室大排長龍, 應該係成個炮台山最受歡迎的食店吧) 然後買甜品返屋企食。下午大約兩點半到達, 店舖名稱叫福元湯圓加上第一次幫襯, 當然要試下佢地既招牌甜品湯圓啦, 問店員有咩味道揀, 佢話: 淨係得芝麻味, 同埋只有生湯圓因為薑湯未煮好。雖然只有一款口味, 不過好好彩係芝麻味而唔係🥜花生味, 雖然我非常鍾意食花生醬, 但個人認為湯圓配芝麻內餡先係👩‍❤️‍👨一對。黑芝麻湯圓 -  湯圓皮煙韌軟腍, 餡多皮薄, 內餡充滿黑芝麻既香氣, 感覺真材實料, 最重要係黑芝麻沒有苦味。最近第一次食海邊走走既黑芝麻蛋卷(一直以黎都只係食花生醬味), 佢地既黑芝麻就有頗強烈既苦味, 難道有苦味先係正宗, 無論如何, 無苦味既黑芝麻甜品先會令我想再去食佢。