影片
更多
2025-03-28
688 瀏覽
自從早排跟朋友去 #潮汕 食過鮮牛肉火鍋，#小秘書 一直對呢股🐮牛氣念念不忘🥹 周不時都會長途跋涉組隊上大陸，就係為咗「尋回味」😋 最近聽到個好消息，「八合里」首店終於喺「香港」插旗🥳 YEAH 我終於都可以喺 #香港 食到 #正宗潮汕鮮牛肉火鍋 喇😎為咗唔想同人迫，呢日我特登請咗半日假，約埋朋友仔一齊去朝聖😎 位於「沙田新城市廣場」六樓嘅 「八合里」，大門以黑金色為主調，餐廳位置都非常寬闊！國內嘅餐廳一向對客人都好細心，秉存以客為先嘅精神❤️ 服務員一早喺等候區放置 #飲品、同 #糖果 招呼客人，包保大家唔會餓親🫶🏻 一場嚟到，當然要吃個飽😋 我哋叫咗個 #原味牛骨湯 做湯底，煲裏面材料已經好豐富，有牛腩、蘿蔔、紅蘿蔔，仲有粟米，同紅棗，齋飲啖湯已經鮮到暈😎另外我哋再叫咗… #至尊鮮肉四寶拼盤 - 裡面有花趾肉、吊龍、鮮切肥牛、仲有匙肉 🐮 聽服務員講所有 #鮮牛肉 都係由 #香港五豐行 每日由屠場屠宰，再即日配送到餐廳。怪不得就算拎起成盆肉都唔會跌落嚟，係真正嘅鮮肉先會有呢種膠質😋 加上肉邊嘅油花，每件牛入口都感到肉嘅香濃味… 正呀喂🤤🤤#雙拼手打牛丸 - 師傅將鮮牛肉打成膠，再造成
為咗唔想同人迫，呢日我特登請咗半日假，約埋朋友仔一齊去朝聖😎 位於「沙田新城市廣場」六樓嘅 「八合里」，大門以黑金色為主調，餐廳位置都非常寬闊！國內嘅餐廳一向對客人都好細心，秉存以客為先嘅精神❤️ 服務員一早喺等候區放置 #飲品、同 #糖果 招呼客人，包保大家唔會餓親🫶🏻
一場嚟到，當然要吃個飽😋 我哋叫咗個 #原味牛骨湯 做湯底，煲裏面材料已經好豐富，有牛腩、蘿蔔、紅蘿蔔，仲有粟米，同紅棗，齋飲啖湯已經鮮到暈😎
另外我哋再叫咗…
#至尊鮮肉四寶拼盤 - 裡面有花趾肉、吊龍、鮮切肥牛、仲有匙肉 🐮 聽服務員講所有 #鮮牛肉 都係由 #香港五豐行 每日由屠場屠宰，再即日配送到餐廳。怪不得就算拎起成盆肉都唔會跌落嚟，係真正嘅鮮肉先會有呢種膠質😋 加上肉邊嘅油花，每件牛入口都感到肉嘅香濃味… 正呀喂🤤🤤
#雙拼手打牛丸 - 師傅將鮮牛肉打成膠，再造成牛肉丸，入口超爽彈，咬落去口腔掛滿肉汁，好味呀🤤
#特色菇菌拼盤 - 每次食火鍋，各式各樣嘅菇類🍄一定不能少😎 好驚喜拼盤裏面居然有我至愛嘅 #鉛筆菇，咬落去爽爽地嘅口感，加上菇味比一般嘅濃郁，好想加單呀😋
#潮汕純米粿條 - 用純米漿造成嘅粉條，入口滑嘟嘟，加埋集合所有精華嘅湯底一齊食，鮮味不能言喻❤️
#潮汕四色水晶粿 - 潮汕人一向對做 #糕點 有一手。今次終於有機會比我試晒鹹甜嘅口味🤤 不過我就對佢哋嘅芋蓉餡料情有獨鍾，味道綿滑甜甜地，正好中和火鍋散發出嚟嘅油膩😅 不過我對面嗰個就比較鍾意鹹食，留返個 #素粿、同 #肉粿 比佢就啱晒啦😅
最後我叫咗個 #潤肺小吊梨 做甜品，清香嘅梨肉，配埋煲到起晒膠嘅 #雪耳，真係睇個樣已經夠晒滋補🤤
而朋友仔就叫咗杯 #爆打鴨屎香檸檬茶，目測都非常足料，我偷偷飲咗啖茶味都好香濃🤤 再食埋餐廳送比我哋嘅 #飯後果… 搞到成日話減肥嘅我，都忍唔住要清晒張枱呀😅
整體我對呢餐火鍋都非常滿意，無論係服務上或者食物上都做得嗰錯。咁多年嚟可以保持「非遺汕頭牛肉火鍋，傳承汕頭非遺文化」呢個朵而屹立不倒！仲有連續八年都拎到 #大眾點評「必吃榜的牛肉火鍋」絕非輕易！分店遍布中國24個城市，直營超二百家門店！呢個成就，實在要歸功一班擁有非遺手工技藝、堅守意志嘅員正、師傅們🫶🏻
張貼
