秋嵐日本料理

營業中

休息中

一路都好想食日本嗰間牛舌之檸檬，但係真係太full太難book，難得去到日本九日都冇日食到到。有日無意之中見到網上推介，見到香港都有咁粉嫩嘅厚牛舌食，我就遠一遠都出到鰂魚涌呢一間秋嵐度試下佢（本人住上水）餐廳係喺一個好似屋苑商場咁嘅細商場度，時間8:00到未到，但係附近商店已經關咗九成，成個商場都比較冷清。唯獨是呢間餐廳，老遠已經見到有好多人喺門口度等位。好彩佢有得網上book位，如果唔係應該真係要等好耐先至入到去，因為入邊嘅座位都唔算話好多。間餐廳係一間日式料理餐廳，除咗有最出名嘅牛舌，都有其他日本料理嘅，例如丼飯或者燒魚等等。不過一心去食牛舌嘅我就冇睇咁多啦。我哋total叫咗兩個套餐，一個係「極味厚切牛舌定食」，另一「極味厚切牛舌定食+牛小排」。其實兩者嘅分別只係在於淨牛舌定係雙拼。套餐包括有牛舌咖喱，厚燒牛舌，白飯，沙律，茶碗蒸，麵豉湯，同埋布甸。非常豐富。👅牛舌份量都唔少，就咁目測都已經八舊以上。食落口非常之爽脆，食到中間非常之嫩滑，完全唔會覺得韌，每一啖都係牛舌芯。就算唔點任何醬汁都覺得好夠味，本身牛舌味都好香好重。平時唔食飯嘅我，都竟然成碗飯食晒。🥩對比起牛舌，我就覺得牛