麻辣派對 (金百利廣場) (已結業)

去開銅鑼灣做嘢，經過金百利樓下，見到我之前喺尖沙咀食過的麻辣派對，對這間的酸菜魚念念不忘，於是二話不說馬上搭lift上4樓再試。內部裝修和尖沙咀相似，依舊係花花世界，神秘又美麗。一坐低見到午市套餐超級抵食，因為樣樣都想食，所以揀咗3個套餐，一個係酸菜江團魚。新鮮魚肉又大片又軟滑，鮮甜無骨，最重要係不會一夾就散，雖然係套餐，但不會因價就貨，竟然有十片魚肉咁多，同大量了配菜，真係，絕對超級抵食，必點😋 土豆燜黃雞，雞肉嫩滑不嚡口，同薯仔一樣炆得入味，要嚟撈飯絕對可以三扒兩撥食曬成碗白飯。紅燒豬軟骨炆津白，真係蚊得軟腍入味，豬軟骨嘅軟骨炆到透明，食落啖啖骨膠原超正👍，津白索曬啲醬汁，非常之好食。每個套餐都包一碗白飯一杯飲品，要了凍檸檬茶，所有飲品比起一般茶餐廳，都起碼大一半，超大杯。因為點了3個餐，所以另一個餐要了老火湯，湯頭濃郁而甜，沒有加味精，飲曬都不會覺得口渴，正到呢!總括嚟講呢間套餐選擇超多，嚟多幾次都試唔曬，下次午餐都好選擇。