影片
更多
2019-11-26
588 瀏覽
喺openrice book枱有8折優惠，加上等到呢個季節啱食火鍋，就同呀媽嚟試下，早早地6點就嚟到，已經有人食緊，但我地都獲安排坐窗口位，望到唔太繁忙嘅彌敦道🌃。環境好光猛闊落，好舒服，冷氣充足唔驚會食到熱。一坐低女店員就向我哋介紹有乜食，呢到主要食椰子雞鍋，可以打埋邊爐，仲有煲仔飯食。見佢咁落力，我哋就一於跟佢叫啦。首先要咗自選涼菜(雙拼)($68)，揀咗青瓜🥒同雲耳，開咗個胃先。兩樣都好爽好入味，微酸，有啲麻辣，但愈食愈辣🥵，可能索哂啲汁，我要飲水！主角無幾耐就出場喇，原味四季椰子雞鍋(半)($168)，2個人就呢個量都好夠。首先上咗個鍋，滾下入面啲椰水，過多五分鐘左右店員就會將碟雞🐔放落去，期間佢介紹呢隻係海南文昌雞來，無咁肥。等多陣就食得，個湯一開始入口比較清，唔同平日🥥椰奶嗰種咁濃，但愈滾愈出味，雞肉唔錯，滾住都無特別變鞋👍。見到有鍋底所以叫咗🥬雜菜拼盤($68)淥下，都幾大盤，有生菜、白菜仔、油墨菜同娃娃菜，娃娃菜索埋湯特別甜。另外亦叫咗手工珍寶響鈴(半)($36)，店員推介係即炸可以即食，真係熱辣辣炸起。呢到醬油特別有沙薑同柑桔🍊俾你配，比較特別，味道又幾夾幾惹味！因為
喺openrice book枱有8折優惠，加上等到呢個季節啱食火鍋，就同呀媽嚟試下，早早地6點就嚟到，已經有人食緊，但我地都獲安排坐窗口位，望到唔太繁忙嘅彌敦道🌃。環境好光猛闊落，好舒服，冷氣充足唔驚會食到熱。
一坐低女店員就向我哋介紹有乜食，呢到主要食椰子雞鍋，可以打埋邊爐，仲有煲仔飯食。見佢咁落力，我哋就一於跟佢叫啦。
首先要咗自選涼菜(雙拼)($68)，揀咗青瓜🥒同雲耳，開咗個胃先。兩樣都好爽好入味，微酸，有啲麻辣，但愈食愈辣🥵，可能索哂啲汁，我要飲水！
主角無幾耐就出場喇，原味四季椰子雞鍋(半)($168)，2個人就呢個量都好夠。首先上咗個鍋，滾下入面啲椰水，過多五分鐘左右店員就會將碟雞🐔放落去，期間佢介紹呢隻係海南文昌雞來，無咁肥。等多陣就食得，個湯一開始入口比較清，唔同平日🥥椰奶嗰種咁濃，但愈滾愈出味，雞肉唔錯，滾住都無特別變鞋👍。
見到有鍋底所以叫咗🥬雜菜拼盤($68)淥下，都幾大盤，有生菜、白菜仔、油墨菜同娃娃菜，娃娃菜索埋湯特別甜。另外亦叫咗手工珍寶響鈴(半)($36)，店員推介係即炸可以即食，真係熱辣辣炸起。
呢到醬油特別有沙薑同柑桔🍊俾你配，比較特別，味道又幾夾幾惹味！
因為想試埋煲仔飯，所以無叫麵類淥落去鍋，要咗幸福臘味煲仔飯(小)($98)，真係用砂窩送上！🍲份量其實夠3人甚至4人量食，面頭有唔少臘味餸，店員話將啲臘味蒸完去咗啲油先放落飯，無咁油👍，再落埋豉油芫茜蔥焗下佢，好香。如果鍾意食飯焦，就可以焗耐啲！食埋飯飽哂。
飲品我哋就一人要咗杯餐廳自己煲嘅🍐杞子元肉雪梨水($28)，一杯熱一杯凍！清清哋唔錯，滋潤。
總括嚟講，呢間餐廳店都幾唔錯，食物比較特別，有椰子雞鍋又有煲仔飯，而且崇尚健康，食物避免咁多油。價錢就中價啦，可以book定枱去有折；環境真係幾好，食完鍋都唔會有一陣味。最後想講埋店員服務亦好好，特別有位短頭髮女士，好有禮貌，落單上菜時都會同你傾下計，介紹下食物，令你感到幸福舒服😊。
張貼
