幸福四季椰子雞 (譽發廣場)

之前食過銅鑼灣 ，味道ok 但偏貴，咁銅記佢地服務幾好既，貴少少都唔緊要。今次見岩時間，約左朋友5點，仲有配料七折，諗住再去試下油麻地分店。點知即日下午兩點幾，經理打來話呢個優惠只限六點前離座，叫我地早啲黎，否則只有一小時用餐時間。但如果我早到，我便不用訂五點了吧？ 我打開openriceAPP 諗住同經理對下條款，但openrice 的優惠真係無寫，唔係我地無睇清楚。經理話佢地一向係咁樣offer 所以先會打電話過黎。最後爭論左幾分鐘，我表明未能早到，及距離訂枱時間只餘下2.5小時沒有預留足夠的時間再安排，你地有時限要求應該係優惠詳情講清楚。最後佢願意offer返6點前埋單 ，但唔需要即時離座既offer。但態度已經同一開始好唔同，有啲串咁話我地收十一點半，而且話條款有一句餐廳保留最終決定權。Fine, 咁即係你隨時又改都OK，咁又何必再討論。其實，如果係openrice寫清楚，我地決定訂座前時就會將呢個時間一併考慮。 優惠唔係餐廳第一日推出，公司有好多時間調整，講清楚要求。佢唔寫清楚，好似就係想引你訂座，再吸引啲唔想麻煩嘅人唔改Booking。人均消費都預左$300-400，咁既餐廳我同朋友都唔會再㨂，未去食已經食飽氣 。 最終我地都係取消左訂位，以後都唔想再去。…查看更多

超好服務水準，店長姐姐好好招呼，每位同事極有禮貌，野食次次都keep 到高質素，係我經常返尋味既原因，係香港食椰子雞既必然首選。400蚊食到超越內地質素，平日唔駛下下一上一落，留香港消費要緊，港人撐港店。推薦美食數到海鮮魚三寶，脆骨鯇+鱔片+龍躉片，絕對係街市既新鮮質素，淥半分鐘左右撈起，魚油魚香無魚腥味，$188每款5片，唔駛自己處理，整好哂上檯，放心食用第一次食推薦去鄰住買 買套餐 非常抵食食野要食好質素 呢間交足功課…查看更多

今次係我哋兩個，第二次嚟食，兩次都係叫咗原味椰子雞鍋(半隻),主要係用咗原隻椰子汁加肉一齊做湯底，非常清甜可口，配埋呢個文昌雞，夠晒滑溜，簡直一流。唔食就走寶啦。仲升級咗二人煲仔飯添，非常好味，又有蕉燶底，味道一流😋😋😋。我會再幫襯😊😊…查看更多

在openrice上找到這家店，油麻地譽發廣場三樓，使用OPENRICE PAY有8.8/折優惠，初感覺抵食，但吃過食物以後更認為食物跟價格，是非常抵食。2/人套餐$318/位椰子鸡湯用纯椰子水，湯底清甜 。文昌鸡嫩滑，店員提醒先飲湯，後食鸡配合青桔仔+沙姜+小米辣更野味四色手打丸，明顯用新鲜吃材，跟預制食物不一樣，全手工，仲有現煲腊味飯，飯焦野味。自家制雪梨茶，有凍有熱，甜品椰子奶凍更加劃上幸福句号…查看更多

之前係網上見到知名藝人推介，所以嚟試下個4人餐，有椰子雞湯，1隻文昌雞，2款小食，2份牛肉，1份蝦滑，1份墨魚滑，1份即炸魚皮，1份肉丸，1份魚片（有龍躉片，脆鯇片及鱔片），1份韮菜餃，一酌自家煲雪梨茶，仲有甜品。椰子雞湯好清甜，即時放兩個椰子水入湯，加埋雞入去煲，飲左兩碗，好味。牛肉淥一淥就食得，爽不韌。蝦滑同墨魚滑彈牙，足料。最鍾意食即炸魚皮，夠熱夠大份，好鬼脆，我地4條友爭住食。韮菜餃自家包，皮薄韮菜多，漲卜卜，好可愛。龍躉片夠厚身，脆鯇片同鱔片夠薄但唔會散。牛肉花膠丸入面真係有花膠，女士靚靚恩物。佢地個雪梨水夠清甜，打邊爐飲一流。女經理服務一流，成日走嚟走去招呼各枱客人。refill雞湯夠快，個爐夠晒熱度快滾，仲要冇限時，冇人走嚟清晒我枱，等我地食得好寫意，慢慢傾偈都冇問題。會再嚟Encore。…查看更多