一心製麵所 (已結業)

午餐時間周圍都多人，見呢間唔使排隊所以試下。午餐食138蚊的拉麵加小食加飲品，其實唔算平，預期應該唔會太差啦。我點嘅係雞白湯底，麵質可以話係正常不過不失，雞肉片雖然唔鞋，不過係冇味嘅，而個湯係非常唔掂。個麵來到擺低唔夠一分鐘，湯汁表面已經瓊住左，可以放大張相睇下。個湯係冇雞湯味，而且好淡，只係覺得油膩，加左果舊膠原亦完全唔覺得有加分。麵入面嘅配菜都係炸嘅，除左都係冇味之外，亦令整體感覺油上加油。食左十零分鐘左右，隨住個湯更加凍左，油膩感更加重，最尾都係覺得太難食食唔晒。蔬菜天婦羅我本來都冇期望，不過呢間餐廳都surprise 左我。絕對唔係因為好食，而係唔知邊解會用豉油碟，再點豉油？？？唔使講都知，佢都係唔好食嘅。整體來講，食物質素差，俾完錢後覺得好唔開心，好似俾人呃左錢，以後唔會再幫襯。