阿閒泰 (K11購物藝術館)

營業中

休息中

今晚我哋叫咗兩碗和牛🐮濃汁牛丸船麵，一人一碗。碗麵🍜嚟到嘅時候，見到個樣諗住好好食啦，點知一試咗個湯，就真係出事。完全唔知咩味，係唔好味不特止，有啲怪。真係激死人。簡直浪費quota ！仲要個豬紅冇味啦，個牛肉好嚡，真係浪費咗啲牛肉呀！剩係得個牛丸好食咋！個卷粉本身都冇問題嘅，夠彈牙，好可惜同埋個湯一齊食嘅時候，就真係唔好食囉，非常之令人失望。其實我都食過唔同餐廳嘅船麵，都未試過覺得難食，呢間真係第一間。佢首先要做好個湯底先，如果唔係，真係浪費晒啲牛丸同卷粉。牛肉都唔應該煮到咁熟囉。