影片
更多
2020-07-10
59 瀏覽
上網睇到好多人推薦呢間餐廳既威靈頓牛柳，所以專登同朋友黎馬鞍山度食！探完熱入黎坐底，每人都有杯檸檬水，唔算好濃，但非常解渴。睇完張menu，第一首選就緊係威靈頓牛柳（$138）啦，始終係最多人推薦菜！除左叫牛柳，我地再叫多左2個餐，分別係龍蝦汁海蝦蟹肉意粉（$82）同埋芝士雜菌波菜忌廉雞配農夫包（$80），額外+$8 加多左個薯菜！叫完野食冇耐，餐湯同餐包就黎左啦，餐湯方面有得揀龍蝦湯同埋蕃茄湯，我地全部都叫左龍蝦湯！而餐包方面就係提子餐包，冇提子味，非常乾，又唔熱（唔知係咪因為我地早黎，因為其他遲黎既枱面既餐包係圓形餐包而唔係呢款長形餐包）再隔左無耐，佢竟然係先上左個跟餐甜品—朱古力香蕉忌廉薄餅（大家可以選擇套餐係配熱咖啡/茶// 套餐配甜品，但甜品就只可以揀朱古力香蕉忌廉薄餅，否則其他甜品/野飲係要再額外加錢既）我地就叫左2個配甜品，一個配飲品！因為見佢個薄餅面頭既忌廉已經溶溶地，所以我哋決定先食咗個甜品再食主菜，個甜品比我想像中麻麻，因為佢得一半係有包香蕉，而另一半冇包香蕉既位係完全冇味，得塊餅皮，又冇朱古力味，面頭忌廉又唔多，又唔甜，對於愛吃甜食既我就略嫌失望到主菜方面，第一樣
睇完張menu，第一首選就緊係威靈頓牛柳（$138）啦，始終係最多人推薦菜！除左叫牛柳，我地再叫多左2個餐，分別係龍蝦汁海蝦蟹肉意粉（$82）同埋芝士雜菌波菜忌廉雞配農夫包（$80），額外+$8 加多左個薯菜！
叫完野食冇耐，餐湯同餐包就黎左啦，餐湯方面有得揀龍蝦湯同埋蕃茄湯，我地全部都叫左龍蝦湯！而餐包方面就係提子餐包，冇提子味，非常乾，又唔熱（唔知係咪因為我地早黎，因為其他遲黎既枱面既餐包係圓形餐包而唔係呢款長形餐包）
再隔左無耐，佢竟然係先上左個跟餐甜品—朱古力香蕉忌廉薄餅（大家可以選擇套餐係配熱咖啡/茶// 套餐配甜品，但甜品就只可以揀朱古力香蕉忌廉薄餅，否則其他甜品/野飲係要再額外加錢既）我地就叫左2個配甜品，一個配飲品！
因為見佢個薄餅面頭既忌廉已經溶溶地，所以我哋決定先食咗個甜品再食主菜，個甜品比我想像中麻麻，因為佢得一半係有包香蕉，而另一半冇包香蕉既位係完全冇味，得塊餅皮，又冇朱古力味，面頭忌廉又唔多，又唔甜，對於愛吃甜食既我就略嫌失望
到主菜方面，第一樣黎既係龍蝦汁海蝦蟹肉意粉（$82），唔知係咪因為剛剛已經飲咗龍蝦湯，比較之下呢個意粉嘅龍蝦味冇龍蝦湯嘅味道咁濃，就有少少遜色，而入面既海蝦都唔少，有4-5隻，口感好彈牙，係我喜愛既，可惜冇咩蝦味，至於蟹肉份量太少，唔係幾食到，所以冇咩感覺，反而個青椒令我驚艷，因為佢唔會過熟，搞到太軟，爽口得黎又唔生，好！
薯菜份量足，而且係新鮮炸既，上到枱都仲係熱同脆既，推薦大家+$8 去試下！我哋叫咗三個餐，其中一個餐就係配野飲，我哋+$9 將佢升級左做熱朱古力咖啡，杯咖啡非常好飲，可能因為有朱古力係入面，所以咖啡味濃得黎唔苦，連唔鍾意飲咖啡嘅我都覺得好飲，大家不妨去試一試！
第2個餐黎既就係芝士雜菌菠菜忌廉雞配農夫包（$80），農夫包香脆，入面芝士勁多，配雜菌同埋菠菜完全係完美，但呢個完美之中，最令人遺憾嘅係夠雞肉嘅質素，舊雞肉非常之大件，而且偏乾同韌，十分麻麻，撇除舊雞肉，總體來講，呢樣菜都係好食既！
芝士雜錦菠菜忌廉雞配焗農夫包
$80
9 瀏覽
0 讚好
0 留言
到左第3樣，係我地最期待既威靈頓牛柳（$138），亦都係我地最失望既菜式（食到最後唔記得影相）份量非常細，舊牛柳包埋個酥皮先得我一個拳頭既份量，我地3個人食，每人都係分到1.5 口左右既牛柳，而且舊牛柳，黑椒味仲重過牛味，食完只係食到個黑椒味，至於塊酥皮，非常林，完全唔脆，好似食緊個濕左既麵包，真係令人好失望
總括而言，咁多樣食物裡面，我只係推薦芝士雜菌菠菜忌廉雞配農夫包、龍蝦湯同埋朱古力咖啡俾大家！
張貼
