薔紅

營業中

休息中

嚟到灣仔緊係要食好出名嘅燒春雞！又係同事帶我去食好西😂中午時段，真係排晒長龍，人山人海 。好彩早咗少少嚟，12:15左右到，12點45就有得入座 。 半隻燒春雞成碟上，雞皮烤得金黃色，真係好吸引眼球🥹 識食緊係自己慢慢搣嚟食，夠晒過癮！ 特別係搣成隻雞髀落嚟食！ 滿足到超鍾意食雞髀嘅我🫣燒春雞熱辣辣，外皮超香脆，肉質嫩滑，仲要多汁🤤 但大家要睇熱，一開頭真係要抖幾分鐘同吹下先成功搣到。配搭上有飯、意粉、薯條同沙律可揀 。我驚揀飯/意粉太飽，又唔想熱氣，所以揀咗沙律，清新又解油膩 。