影片
更多
2023-08-07
1321 瀏覽
《鐵板燒雪舟 - 銅鑼灣》除左壽司之外，其實鐵板燒都係我近其好喜歡既日式菜式🤭除左食個靚食材本身外，仲有食廚師在席前烹調既手藝，視覺同味覺上都有著不同既感受😉今次黎既呢間鐵板燒餐廳都令我印象幾深刻，首先係因為平日好少見女廚師主理鐵板燒既烹煮，可以當上主廚既一定係手藝非凡😎再加上店舖内既裝修好有京都郊外亭園風格，坐喺入面有種平靜安寧既感覺，令人十分放鬆。今次我同車車 @kchelseapy 叫左兩個不同既套餐share 食，一個係<梅> $988，而另一個係<竹> $1288，主要分別係一個多左活龍蝦呢款食材🦞，同埋著重海鮮烹煮多點，不過<梅>呢個餐有象拔蚌已經好不錯👍🏻其他食材同菜式都係差不多的💁🏻♀️季節沙律🥗一坐底無耐，餐廳就送上用上開胃醋汁調味既沙律比我地，當時個人仲係熱辣辣😉所以食下沙律個人都即刻降溫不少💁🏻♀️前菜前菜係一道爽口既海帶沙律，用左柚子蜜調成汁，同自帶海水咸味既海帶形成對比既口味，咸鮮味出又帶點甜蜜，食落爽脆有口感💁🏻♀️刺身三款刺身分別有魷魚、劍魚腩同梭子魚，劍魚腩一向係我喜愛既魚生之一，食落爽口似肥豬肉咁，不過今
除左壽司之外，其實鐵板燒都係我近其好喜歡既日式菜式🤭除左食個靚食材本身外，仲有食廚師在席前烹調既手藝，視覺同味覺上都有著不同既感受😉今次黎既呢間鐵板燒餐廳都令我印象幾深刻，首先係因為平日好少見女廚師主理鐵板燒既烹煮，可以當上主廚既一定係手藝非凡😎再加上店舖内既裝修好有京都郊外亭園風格，坐喺入面有種平靜安寧既感覺，令人十分放鬆。今次我同車車 @kchelseapy 叫左兩個不同既套餐share 食，一個係<梅> $988，而另一個係<竹> $1288，主要分別係一個多左活龍蝦呢款食材🦞，同埋著重海鮮烹煮多點，不過<梅>呢個餐有象拔蚌已經好不錯👍🏻其他食材同菜式都係差不多的
💁🏻♀️季節沙律🥗一坐底無耐，餐廳就送上用上開胃醋汁調味既沙律比我地，當時個人仲係熱辣辣😉所以食下沙律個人都即刻降溫不少
💁🏻♀️前菜
前菜係一道爽口既海帶沙律，用左柚子蜜調成汁，同自帶海水咸味既海帶形成對比既口味，咸鮮味出又帶點甜蜜，食落爽脆有口感💁🏻♀️刺身三款
刺身分別有魷魚、劍魚腩同梭子魚，劍魚腩一向係我喜愛既魚生之一，食落爽口似肥豬肉咁，不過今次令我好有驚喜既係魷魚刺身，佢個質感軟軟糯糯的，有點煙煙韌韌既口感，加上蟹籽卜卜脆既咬感，食落好有驚喜，而梭子魚經過灸燒後油粉爆滿的，入口有好香魚油既味道👍🏻💁🏻♀️餐湯
今次既餐湯係西班牙既蕃茄凍湯，飲落好開胃而且帶有香料味，上面層橄欖油為個湯更帶出左陣鮮味，凍凍地好特別💁🏻♀️活龍蝦/日本白象拔蚌
重頭戲當然係海鮮既環節啦，我地兩個餐分別有龍蝦同白象拔蚌，龍蝦煎香後用鹹蛋黃調汁，令到蝦肉更濃味而且更咸香，外圍既香草汁點埋令成件事更上一層樓，一個龍蝦有多種食法😋而象拔蚌就用左牛油汁去煎，伴碟既食用花帶有花香，令個味道多左陣清親既感覺，除左象拔蚌原肉，廚師仲用左佢個膽製作料理，咬落軟綿濃郁，一份海鮮有三個部份 ，帶出三種不同口感，另外可以點不同醬汁作唔同即配搭，我就最推薦餐廳準備即辣醬及海鹽調味💁🏻♀️季節海鮮
接住落黎就係北海道帶子，肉質彈牙肥美帶有海水味，上面既紫蘇葉花果陣獨特既花香令個帶子多左陣清香既味道，再配埋卜卜脆既三文魚子，令到鮮味更出而且帶有酒既清香，連個湯汁都可以飲的💁🏻♀️和牛薄燒
我其中最期待既菜式之一，和牛我地要左三成熟，保留番佢既原汁原味，入面包有香蔥同炸蒜，見到廚師只用左少量豉油調味，食落勁重味而且油脂分布充足，超好味💁🏻♀️季節野菜
食左咁多肉，點都要食番少少蔬菜，如果唔係就太膩啦😉佢有菇菌、南瓜同甜薯，煎香過後甜度更加提升，薄薄一片已經好夠食💁🏻♀️和牛炒飯
到左尾聲，當然會有炒飯啦，個飯用左和牛粒、什菜、櫻花蝦等食材製成，飯粒入口粒粒分明而且炒得乾身，油香十足同埋個份量都幾多，就算係個大男人都一定夠食啦😉💁🏻♀️味噌湯
味噌湯似係用左紅味噌製作，入口偏甜但口唔會太過稠糊，暖暖地令到個腸胃好舒服💁🏻♀️香之物
以為已經食完曬所有野啦，點知仲有個炒西蘭花同椰菜花🥦個椰菜花仲要係好少見到既荷蘭紫椰菜花添，加上芝士同煙肉碎後更加香濃同埋有口感💁🏻♀️甜品
終於到左甜品啦，今次食到既係香甜既蜜瓜小姐，糖份高得黎但又唔會死甜，反而係有清爽即感覺，用佢作結尾真係完美既選擇🥰
張貼
