露面手工拌麵料理

營業中

休息中

經過灣仔，發現到呢間特色既麵食。 冇諗過係灣仔會有間麵食專門店。 佢唔係普通既廣東麵，竟然有bing bing 麵，闊麵烏冬，真係好吸引。入到舖都要等一陣位，佢都好好生意，生客冇停過，外賣都見佢不停咁有，所以除左好食，即係證明都好新鮮。入黎更係要叫佢既嫩雞白布湯闊麵。 即叫即整，黎到見倒個純白湯底，好好飲，唔味精。 入麵除左麵仲有小棠菜同雞絲，麵質好嫩滑又薄，唔會食完好飽劑。 韭菜餃好足料又香，煮得剛剛好，入面又冇肥肉。 再叫左2個小食，上湯松茸娃娃菜，花生南乳炆豬手。 話係小食，但竟然都幾大碟。 娃娃菜好鮮甜又爽脆，完全係正。而豬手又炆得夠稔夠入味，仲要出奇地多肉少骨個種。最後可以跟麵平啲叫特飲，要左杯熱既香茅香水檸檬茶。 放底已聞到好香，飲落係好舒服。 所以唔怪之會有咁多客黎，真係好好味。