更多
2022-11-21
78 瀏覽
鐘意食鐵板燒嘅人 冇理由唔識虎鐵啩😆對上一次嚟 都已經一年幾前 同朋友慶祝生日 係時候再嚟回味一下😋呢度有卡位或吧枱位 如果想一路食一路睇住師傅烹調 訂枱嘅時候記得request坐吧枱啦今次晚餐 我哋揀咗$2980(二人)嘅主廚推介套餐💕▪️和牛薄燒卷沙律沙律做前菜🥗本身沙律菜夠新鮮 最特別係和牛油脂好充足 油脂有少少滲埋落去沙律菜度 食落特別香▫️蟹肉海膽松露溏心蛋面頭放咗金箔 賣相更矜貴✨首先品嚐左一片海膽 享受咗個鮮味先😋之後剩低嘅海膽就同隻蛋撈埋一齊食 兩種味道各自突出 卻毫無違和感 好夾▪️原隻鮮活澳洲黑邊大鮑魚真係超超超新鮮👍🏻鮑魚肉質幾彈牙 有咬口 配埋旁邊綠色嘅蟹肉海帶醬汁 更加突出鮮味 店員推介我哋一定要試埋半碟嘅雞冠草 充滿骨膠原㗎😍▫️活龍蝦配海膽醬新鮮龍蝦係冇得輸嘅 好爽唔🦞海膽醬亦都經過特別處理 加咗龍蝦膏喺入邊 雙重鮮味▪️日本熊本A5和牛厚燒我哋將其中一份轉咗薄燒 咁就可以試晒兩款效果😛厚燒味道特別濃郁 充滿油分 好軟稔 簡單點少少岩鹽已經好正🐂而薄燒就加咗蒜一齊處理 又係另一種感覺 比較香口 另外仲有三款香煎野菜 分別係茄子/南瓜/大菇 燒完拍好juicy▫️刺身帶
今次晚餐 我哋揀咗$2980(二人)嘅主廚推介套餐💕
▪️和牛薄燒卷沙律
沙律做前菜🥗本身沙律菜夠新鮮 最特別係和牛油脂好充足 油脂有少少滲埋落去沙律菜度 食落特別香
▫️蟹肉海膽松露溏心蛋
面頭放咗金箔 賣相更矜貴✨首先品嚐左一片海膽 享受咗個鮮味先😋之後剩低嘅海膽就同隻蛋撈埋一齊食 兩種味道各自突出 卻毫無違和感 好夾
▪️原隻鮮活澳洲黑邊大鮑魚
真係超超超新鮮👍🏻鮑魚肉質幾彈牙 有咬口 配埋旁邊綠色嘅蟹肉海帶醬汁 更加突出鮮味 店員推介我哋一定要試埋半碟嘅雞冠草 充滿骨膠原㗎😍
▫️活龍蝦配海膽醬
新鮮龍蝦係冇得輸嘅 好爽唔🦞海膽醬亦都經過特別處理 加咗龍蝦膏喺入邊 雙重鮮味
▪️日本熊本A5和牛厚燒
我哋將其中一份轉咗薄燒 咁就可以試晒兩款效果😛厚燒味道特別濃郁 充滿油分 好軟稔 簡單點少少岩鹽已經好正🐂而薄燒就加咗蒜一齊處理 又係另一種感覺 比較香口 另外仲有三款香煎野菜 分別係茄子/南瓜/大菇 燒完拍好juicy
▫️刺身帶子豆腐鯛魚湯
奶白色嘅魚湯 入口順滑 清甜鮮香🤤
▪️和牛炒飯
接近尾聲 嚟一個和牛炒飯 份量啱啱好🍚除咗和牛 仲加咗蒜/蔥/蛋 口感同味道都更有層次
▫️火焰梳乎厘雪糕
甜品都好有驚喜🔥開頭我仲諗緊 點解梳乎厘要用張紙蓋住 原來送到上枱 店員就會點火 燃燒嘅時候仲好似煙花咁 靚!當然味道都唔錯 梳乎厘充滿蛋香 雪糕有豆腐/紅豆同抹茶味三款選擇
張貼