憶食尚臘味煲仔飯

營業中

休息中

天氣涼涼地最啱食煲仔飯，同老公嚟到附近搵朋友，佢介紹話呢度煲仔飯唔錯，咁就行過嚟試一試。薑蔥爆雞煲上枱嘅時候熱辣辣，薑蔥爆到好香。雞肉香口入味，份量都唔少。瑤柱蝦米娃娃菜有瑤柱有蝦米仲有金華火腿，個湯都好好味，娃娃菜鮮甜。特式臘味煲仔飯重頭戲當然就係依個煲仔飯，職員先幫你加入蔥花，再加豉油攪拌。煲仔飯煮得剛剛好，但有少少飯焦，有焦香味，而唔係燶。出去食煲仔飯最怕一係冇飯焦一係就燶咗。上邊嘅臘肉、臘鴨同埋臘腸。油份完全滲入飯裏面，每一啖都香噴噴。