Dilliwale

營業中

休息中

自己都比較鐘意食咖哩同印度薄餅，所以今次就帶埋朋友仔一齊嚟到銅鑼灣呢頭去食印度咖哩！呢一間Dilliwale充滿異國風情，可以食到傳統印度菜，係正宗印度人主理，侍應都係南亞裔人，佢哋都非常nice，仲會同我哋推薦一下菜式。我哋今次主要點咗一份咖哩同兩份唔同口味嘅烤餅，都覺得好好食！牛油雞必點印度美食！呢度嘅牛油雞辣度並唔係好辣，香氣撲鼻嘅咖哩，香濃滑順嘅口感，啖啖嘅奶油香，仲有雞肉嘅加持，煮得啱啱好，好嫩滑！用烤餅沾上咖哩汁食，會更美味可口！蒜蓉烤餅 & 芝士烤餅兩款烤餅都各有特色！烤餅口感外脆內軟，蒜蓉烤餅蒜香四溢，搭配牛油雞嘅好選擇！而芝士烤餅新鮮烤好，中間是溶解芝士🧀，陣陣飄風，就咁食又得，沾上咖哩汁食又得，正！芒果奶昔佢哋嘅芒果奶昔非常creamy，而且會加入粒粒杏仁碎，令到口感提升。Indian Ocean一杯藍色嘅cocktail，非常有賣相。以Vodka, Gin, Tequila, Rum, Lemon, Blue Curacao 及Ginger ale製作而成，味道清新。