焱丸水產

營業中

休息中

諗起都有一段時間冇食焱丸，去到都仲係爆場🤪野飲我叫左桃茶加燒酒，飲落都意外地順口，而且有椰果同桃香，一唔覺意好易飲多左😂一嚟就係例牌必食甲羅燒！仲叫左個炒飯，所以今次試埋撈飯食，果然冇得頂！因為炒飯本身有同海鮮一齊炒，而且粒粒分明，個油香就咁食都已經好好食，今次再加埋甲羅燒嘅蟹膏，即刻掃晒我個碗炒飯。作為小食既玉子本身微甜，加埋沙律醬去食會帶返啲酸味，估唔到玉子都可以咁開胃。喺店員幫我哋燒緊扇貝嘅同時，我隻手就伸咗去食黑松露椰菜，因為椰菜係生嘅，所以咬落去仲有爽脆嘅口感，甜嘅感覺中和返黑松露醬既鹹味，但係每一啖都係濃濃嘅松露香，正好解咗炒飯嘅油膩感，而且份量都超多！扇貝燒完勁多湯汁，啲料都剪到細細啖，啲椒係唔辣既，成個配搭都好鮮～最後上既係魚生，一如既往既高汁，全部都好鮮甜，我最中意食既蝦靚到好似會漿住我個口咁，用花刀切完既貝，個鮮甜同爽脆度都被突顯，超愛！