影片
更多
2024-06-16
84 瀏覽
麵尊，曾經係我返上環嗰陣嘅飯堂。今日有事要入香港仔，就食返呢間好耐都冇食嘅車仔麵專家。同其他車仔麵店一樣，佢係逐個餸/麵去收錢，另有set好咗嘅”大尊”同”細尊”可以揀，計落就會抵啲。今次我哋揀咗一個大尊同兩個自選麵。“麵尊”嘅特點係特濃嘅湯底，而且係有少少辣，不過我哋同行嘅小朋友唔食辣都食到。大尊由豬皮、豬紅、蘿蔔、魚蛋、紅腸、生菜加一個面底，賣HKD 49，比散叫平得多。當中豬紅係一舊𥖁咁，唔會一夾就散，蘿蔔就係MVP，非常腍，好入味。其他餸方面，牛柏葉、豬頸肉同豬大腸亦相當出色。小朋友叫咗個好有趣嘅組合，當中有雞翼腸仔午餐肉😂 當我正想開口話佢嘅時候發現嚿午餐肉大到好似半罐切出嚟咁，我就即刻收聲😂😂。比起我之前食嘅上環分店，香港仔分店就更加舒適，有一定數量嘅卡位，一家大細都可以慢慢享受。#麵尊 #車仔麵 #香港車仔麵 #新店速遞 #香港仔美食 #銅鑼灣美食 #咖喱魚蛋 #港式 #港式美食 #香港美食
今日有事要入香港仔，就食返呢間好耐都冇食嘅車仔麵專家。
同其他車仔麵店一樣，佢係逐個餸/麵去收錢，另有set好咗嘅”大尊”同”細尊”可以揀，計落就會抵啲。今次我哋揀咗一個大尊同兩個自選麵。
“麵尊”嘅特點係特濃嘅湯底，而且係有少少辣，不過我哋同行嘅小朋友唔食辣都食到。
大尊由豬皮、豬紅、蘿蔔、魚蛋、紅腸、生菜加一個面底，賣HKD 49，比散叫平得多。當中豬紅係一舊𥖁咁，唔會一夾就散，蘿蔔就係MVP，非常腍，好入味。
其他餸方面，牛柏葉、豬頸肉同豬大腸亦相當出色。
小朋友叫咗個好有趣嘅組合，當中有雞翼腸仔午餐肉😂 當我正想開口話佢嘅時候發現嚿午餐肉大到好似半罐切出嚟咁，我就即刻收聲😂😂。
比起我之前食嘅上環分店，香港仔分店就更加舒適，有一定數量嘅卡位，一家大細都可以慢慢享受。
#麵尊 #車仔麵 #香港車仔麵 #新店速遞 #香港仔美食 #銅鑼灣美食 #咖喱魚蛋 #港式 #港式美食 #香港美食
張貼
