影片
更多
2017-06-30
188 瀏覽
3月初同老婆，加埋舊同事一齊到南九州旅遊，很喜歡仍帶點鄉土味嘅宮崎及鹿兒島，其中一晚晌宮崎，走到好有本土氣氛嘅「塚田農場」食當地出名嘅走地雞刺身及一眾地道美食。今晚嚟到銅鑼灣嘅FireBird，雖然氣氛未夠熾熱，但食物絕對喺跟嗰次所試嘅不遑多讓。由於餐廳喺走依個串燒酒吧路線，所以，當走進鋪內，全室都以高腳枱櫈為主，但有別一段酒吧嘅冷色系，以暖木系為主，時尚簡約，感覺輕鬆而不失作為日本餐廳嘅感覺。此外，雖然地方唔算好大，但因為全部餐枱都喺沿窗邊及牆邊排列，中間空出嘅位置作為通道，所以，全無壓迫感。而開放式廚房設喺餐廳中央，可以講喺全場嘅舞台。沿廚房兩邊喺吧位，坐晌度就可以欣賞師傅做菜。當有客人內進或離開，全店店員都會以日語講句歡迎或多謝之類，喺餐廳對客人嘅禮貌。睇見啲餐枱下有個拉手環，原來都有少少機關架，拉開睇睇喺個小櫃桶，放咗啲餐紙，不過，唔知會唔會有客人放吓個人物品而唔記得拎走呢！牆上有啲小掛勾，勾起衣架，供客人掛大衣，喺小小窩心設計。講到食物，晌廚房近入口位置，就放咗張鹿兒島和牛嘅証書，以及四國德島縣阿波尾雞認定店名牌，以証店家所用嘅相關食材喺日本直送靚貨。早前去南九州已食過鹿兒島
由於餐廳喺走依個串燒酒吧路線，所以，當走進鋪內，全室都以高腳枱櫈為主，但有別一段酒吧嘅冷色系，以暖木系為主，時尚簡約，感覺輕鬆而不失作為日本餐廳嘅感覺。
此外，雖然地方唔算好大，但因為全部餐枱都喺沿窗邊及牆邊排列，中間空出嘅位置作為通道，所以，全無壓迫感。而開放式廚房設喺餐廳中央，可以講喺全場嘅舞台。沿廚房兩邊喺吧位，坐晌度就可以欣賞師傅做菜。當有客人內進或離開，全店店員都會以日語講句歡迎或多謝之類，喺餐廳對客人嘅禮貌。
睇見啲餐枱下有個拉手環，原來都有少少機關架，拉開睇睇喺個小櫃桶，放咗啲餐紙，不過，唔知會唔會有客人放吓個人物品而唔記得拎走呢！
牆上有啲小掛勾，勾起衣架，供客人掛大衣，喺小小窩心設計。
講到食物，晌廚房近入口位置，就放咗張鹿兒島和牛嘅証書，以及四國德島縣阿波尾雞認定店名牌，以証店家所用嘅相關食材喺日本直送靚貨。早前去南九州已食過鹿兒島和牛，知道有幾正，而「阿波尾雞」就第一次接觸，好奇上網查找吓，原來佢喺日本走地雞中嘅名牌，以肉質結實爽口，雞味濃郁鮮甜而聞名。
除咗主打以日本走地雞阿波尾雞肉製作嘅雞肉串燒外，並有牛肉及北海道產嘅豚肉做串燒，此外，仲有好多食物種類，如沙律、前菜、刺身、壽司、揚物、食事、燒物、鍋物及甜品，選擇非常之多。
又不妨留意吓擺晌吧位嘅日本海鮮推介，全部喺空運直送，數量限定嘅靚貨！
既為酒吧定位，飲品方面一樣喺強陣，燒酎、清酒、雞尾酒、非酒精雞尾酒、紅白餐酒、啤酒、梅酒、威士忌、汽水、梳打，喜歡小酌幾杯嘅朋友不愁無選擇啦。
而喜歡日本酒嘅客人，餐廳更提供多款純米大吟釀，絕對可以盡慶而歸。
如果唔喺話要當正餐咁食到飽，小弟留意到有個「歡樂時光」組合，一份小食配一杯酒品，都只喺$68/$78，但記得留意供應日子及時間。
酒品都唔喺太啱我哋，然而，一系列非酒精嘅雞尾酒就好夠特別喇，睇見啲組合都好吸引。
Mango-bar de Mocktail $68以新鮮芒、鮮橙、芒果漿、糖水及梳打打成，賣相鮮黃極有夏日氣息，睇見都解晒暑呀！飲落有啲似沙冰嘅感覺，但就唔會好冰感，卻喺透心涼，而且，芒果味香濃清甜。杯旁加插一支芒果雪條，增加亮點之餘，亦好好「食」嘅凍飲。
Mango-bar de Mocktail
$68
29 瀏覽
0 讚好
0 留言
特別括住「小山圓．松風使用」，小弟唔喺抹茶控，對抹茶研究唔多，但相信咁寫得都唔喺啲普通嘢。估唔到仲非常大杯，賣相有點似「京林屋」啲芭菲，哈哈。由抹茶、牛奶、鮮忌廉、糖漿所組合而成，入口抹茶味香濃而帶回甘，再將忌廉跟抹茶牛奶拌勻，口感絲滑。裝飾嘅士多啤梨亦花功夫雕得靚靚哋，下面串起兩粒白玉丸子，煙韌軟糯。
Lover Kyoto
$88
19 瀏覽
0 讚好
0 留言
飲住涼涼凍飲，就梗喺食啲香口炸嘢就最夾架啦，數款揚物，見有一款新品「炸蕃薯條」，賣點喺蕃薯嚟自日本宮崎，又喺懷念嘅食材喔。基本上，絕對無咩花巧嘢，簡單連皮厚切長形嘅蕃薯條炸至金黃，睇張墊底嘅吸油紙就知啲蕃薯條唔油膩，粉甜有薯味，沾點黑糖醬，一口凍飲，一啖蕃薯條，妙到極。
日本產蕃茄沙律 $68餐前食啲沙律，唔止喺友人所想，小弟亦鍾意，因為可以更開胃。啲蕃茄既飽滿鮮甜，又多汁，再伴以水牛芝士、香草醬，口感及味道都富層次；更有心思嘅喺，伴碟墊底嘅唔喺一般沙律菜，仲加咁冰菜，好似有層露珠咁，好爽脆。
日本產蕃茄沙律
$68
17 瀏覽
0 讚好
0 留言
名為火山熔岩真喺無改錯名，以壽司卷砌成塔形再唧上自家醬汁扮熔岩，加埋啲木魚絲及唔知喺唔喺牛蒡絲做出火山爆發嘅效果，賣相非常抵死。啲三文魚壽司卷其實唔喺咩特別嘢，特別在於壽司卷喺經過火炙，外層嘅紫菜唔止更脆，仲有點點焦香，配上酸甜嘅醬汁，味道甚匹配，好一道創意十足嘅壽司菜式。
FireBird 雞肉串燒盛合 $ 128上文都講過「阿波尾雞」來頭唔細，受日本JAS認證為優質高級嘅走地雞種，更喺日本走地雞產量之王，當然唔可以錯過啦，依一款嘅雞肉串燒盛合就最推介，因為又可以試到串燒，又可品嚐依款走地雞種，一舉兩得。
一客盛合裏有一串自家製免治雞肉棒配日本鮮蛋黃、一串長蔥雞肉串、一串雞腿串、一串雞胸串及一串秋葵串，如果個盛合喺可以由客人自由揀選5款就仲正。事後再對比個單價，發覺盛合都唔喺平得幾多，下次散點比較實際。
自家製免治雞肉棒配日本鮮蛋黃串免治雞肉棒做得非常正，啲雞肉搓得極鬆軟，口感一流，燒得外層焦香脆脆哋口，再沾上鮮蛋漿，好似做咗層保濕咁，綿滑腴香。
自家製免治雞肉棒配日本鮮蛋黃
42 瀏覽
0 讚好
0 留言
試完免治雞肉，再試實件嘅雞肉，灑少少七味粉，一口過長蔥、雞肉放入口，雞肉結實有份彈牙感，配以長蔥嘅蔥香，味道唔單一。
雞腿串顧名思義，以雞腿肉作成串燒，喺幾串串燒中，肉質嘅口感再嫩滑軟熟，加上燒得比其他都焦香，雖然只喺少少鹽調味，已經好食到啲肉香。
雞腿串
14 瀏覽
0 讚好
0 留言
比預期差啲，雖然，感覺確似喺雞肉味濃多少許，但燒得比較乾，肉質又有點嚡。
秋葵串秋葵一向入口都有種「滑潺潺」嘅感覺，但燒過之後，就無乜嗰種感覺，而咬落脆口，同樣只喺下少少鹽調味，簡單健康。
除咗主餐牌，店長仲推介作哋有個特別「殼燒」餐牌，主要以燒海鮮為主，例如：蟹味噌甲殼燒、帆立貝殼燒、蠔殼燒、松葉蟹膏帆立貝殼燒……等等，定價唔貴喎！
鮑魚殼燒 $78一份鮑魚殼燒喺有兩個鮑魚，雖然無講明鮑魚嚟自邊度，但只喺賣$78，真心覺得抵試，而且，賣相唔喺求其燒好就算，如一貫日式食物真喺擺得精緻先奉客。鮑魚燒得金黃，入口柔軟得嚟仲有份煙韌感，意外地鮑味不俗，果然抵食！
鮑魚殼燒
$78
19 瀏覽
0 讚好
0 留言
阿波尾雞外，鹿兒島和牛亦喺店家獲認證嘅主打食材，所以，見到另一張細餐牌推廣緊「鹿兒島野崎和牛」，屬A4級數，由$148特價到$78，數量張定，每枱亦只可以叫一客。不過，怕淨食和牛太「漏」，何不嚐嚐和牛釜飯呢？
鹿兒島和牛釜飯 $118日本嘅釜飯大致可以理解為我哋常食嘅煲仔飯，其實個釜飯好簡單，就喺日本米、洋蔥、鹿兒島和牛，不過，真喺入口有唔同嘅感覺，勝在喺用料囉。啲飯粒圓潤軟綿，又有點黏糯感，而啲牛肉肉質柔軟到不得了，又有充分嘅油香，就連帶飯粒都加添脂香味，三趴兩撥，清晒。
鹿兒島和牛釜飯
$118
19 瀏覽
0 讚好
0 留言
真喺咪以為FireBird似喺間酒吧，其實做串燒都有一手，既正宗，又高質，此外，其他菜式都極有水準，同時，食得出用料確喺精。所以，就算唔嚟飲酒，食嘢都一定稱心滿足！
張貼
