米走雞Live

營業中

休息中

兩三年前已想試米走雞，但果時得長沙灣店，唔太就腳，約唔到人去。今日上網一check，原來開多左幾間分店，仲有間係係觀塘添，於是就約埋中同去試，因為近大家既屋企。由於我地得兩個胃，唔敢叫太豐富，叫左個芝士雞煲、花膠、粟米、五寶丸同薯粉。個芝士雞煲真係無令我地失望，芝士味濃郁，雞好嫩滑，份量多。其實如果細食，兩個食呢個煲都可能夠飽。煮左5分鐘度，d芝士溶哂，可以食啦粟米好清甜，唔錯。花膠大大舊，分量多。五寶丸就較一般，早知叫餃算。薯粉索哂芝士汁，好正，不過食到最後好滯。