孖寶車仔麵

營業中

休息中

車仔麵係香港特色，呢間老店車仔麵檔人流多，裝修都好懷舊風味，鋪面大又內有乾坤，入到入面有好多位置坐，可以選擇自己喜好的餸菜，如果有選擇困難症可以揀招牌車仔麵，仲有多款香港經典小食可以選擇。招牌孖寶車仔麵用懷舊雞公碗可米粉多，餸又多，有魚蛋、豬皮、雞翼、豬紅、蘿蔔、豬大腸。有免費提供菜脯，有辣同唔辣，加幾多都得，香辣菜脯我覺得辣度可以接受，加係麵度更加惹味，而辣椒醬都係香而少辣。燒賣有彈性，唔係麵粉口感，有魚肉味。腸粉好滑，而且係多醬料仲有芝麻。臨尾仲叫咗個腐竹雞蛋糖水，勁甜勁好味。