宴 尖沙咀

同朋友喺尖沙咀睇完戲都九點幾，好多舖頭都已經冇開，經過金龍中心見到呢間日料做著放題決定試吓。 餐廳價位適中，每位$438起，宮崎和牛，日本豚肉，日本雞肉還有各種配料無限供應。我哋揀咗松套餐，任食任飲120分鐘，任食松葉蟹、特上宮崎和牛、日本豚肉，日本雞肉。 鴛鴦鍋分別係醬油湯拼豬骨湯，清涼解熱豬肉甜滋潤。每台仲會送一碟刺身拼盤。特上宮崎和牛真係令人滿足，牛味香濃，肉質鮮嫩，唔會太嚡。食肉獸朋友就最鍾意嫩豚肉片，脂肪比例適中。海鮮松葉蟹新鮮夠彈牙，每隻好飽滿好肥美，食落鮮味十足。野菜拼盤有豆腐、金菇，粉絲、洋蔥同日本大白菜食完牛肉之後加入菜同豆腐加添咗唔少甜味最後落埋粉絲索哂湯嘅精華😋😋👍簡直一流！