祥興記上海生煎包 (擺花街)

營業中

休息中

記得有中環友推介過，今日避開lunch繁忙時間去食，試吓佢哋個黑松露蔥油拌麵，再叫多份豬扒同豆漿，老老實實成50蚊個拌麵一啲都唔算平，但食落味道真係對得住個價錢，又香又惹味，黑松露醬真係做到畫龍點睛，食得出唔係平嘢，呢個價錢係中環區又唔係貴，如果你覺得佢哋啲生煎包物有所值的話，下次真係要試吓呢個黑松露拌麵（記住一定要黑松露），普通蔥油拌麵只算正常好食，只會行過會幫趁嘅水平（但如果唔太肚餓我又寧願留肚食生煎包），但呢個黑松露拌麵我會每個零月就搵啲借口去「順路」幫趁⋯至於豬扒就係錦上添花嘅水平，廿幾蚊係中環算抵食但如果係其他區就少貴，總括嚟講，呢餐我俾4.3～4.5分（5分滿分）