鋿晶館

營業中

休息中

FD來香港旅行，點名要食哩間點心，睇咗介紹才知道哩間係自家製品牌，師傅背景好勁，之前係東京富麗華工作多年，聽講係專為明星同埋D高管服務。之後返咗香港又在多間米芝蓮酒店做高層，咁好期待TIM。所有點心即叫即整，所以要等耐少少。姬松茸雪耳燉雞湯，落足料煲制湯底。湯底透亮清澈，雞味濃郁湯底鮮甜。雪耳燉出膠質，入口即化。艇頭三寶煎蘿蔔糕，蘿蔔糕煎到兩面金黃。皮微微焦脆，內裡軟糯咸香，仲可以食到超大粒蘿蔔，口感好豐富。半肥不瘦叉燒腸粉，腸粉皮薄Q彈，叉燒偏甜果款，同腸粉好夾。蒜香蝦春捲，餡料好豐富，有鮮蝦大蔥同豬肉。春捲炸嘅火候啱啱好，皮薄酥脆勁LIKE。紫金名醬蒸鳳爪，鳳爪蒸到好易脫骨，入口軟糯Q彈，醬香味十足。鳳爪排骨蒸金鳳飯，係一個人分量。排骨蒸到好軟嫩，食落蒜香十足。金鳳米嗦曬排骨同鳳爪醬汁味，醬香軟糯，好食。法蘭西焦糖燉蛋，焦糖略帶苦味，燉蛋唔會好甜，入口即化。