嘉多利餅屋

營業中

休息中

好似係何文田呢間分店冇咁多人買, 去到時只排了幾分鐘就可以買到, 所以買左兩款人氣麵包試下。原味法式布甸包 $15由買完拎返屋企放入雪櫃雪左兩個鐘左右, 食時將布甸包放左入焗爐焗兩三分鐘🍮有種冰火交融既口感, 外面既麵包有微暖, 而入面既布甸則係凍。麵包唔硬有少少脆🥖布甸就香甜滑溜, 好好食, 不知不覺成個食晒。開心果脆脆泡芙 $25泡芙面有好多開心果碎🤩而泡芙個皮比較淋身, 兩種口感加埋一齊又唔錯。而中間既開心果cream有好香既開心果味😎而且咬落去會流出黎, 成個食完感覺輕盈又唔會太膩。