影片
更多
2023-05-09
87 瀏覽
呢間專食豬肉嘅西餐廳已經想試好耐，每人枱面都有一隻嘅脆皮鹹豬手，今日終於知道佢嘅魅力所在！餐廳裝修得幾靚，梳化卡位居多，好有情調，仲有電視直播緊體育項目，同另一半、朋友或者屋企人嚟都幾啱！餐廳最出名當然係佢嘅豬肉料理，菜單都專門有一欄係豬肉嘅菜式，價錢比較進取，但每道菜都比較大份，呢個環境同份量都值呢個價～‼️為咗慶祝母親節，凡惠顧都會送一隻毛巾啤啤熊，送完即止～快啲帶埋媽媽一齊嚟嘆返個鹹豬手！‼️而家做緊全日happy hour，指定無酒精飲品第二杯只需要加$10，樽裝啤酒買一送一！------------------------------🐖◖Crispy Pork Knuckle◗ $318呢個德國鹹豬手係呢間舖頭嘅招牌菜，大大隻重1kg，配上烤薯、烤蘿蔔、酸菜同埋芥末籽忌廉汁，呢個份量都夠兩個人食！豬手外皮好香脆，咬落去好似薯片咁，夾住適量嘅脂肪同筋位；豬手肉比較厚實，邊邊位烤得比較乾身脆口，鹹鹹地肉味出，啖啖滿足！豬手肉可以夾埋啲酸椰菜一齊食，幾清新解膩～🥪◖BBQ Pulled Pork Sandwich◗ $178手撕烤豬肉配上酸種包，呢個組合真係好鍾意！手撕豬肉一疏疏咁，口
‼️為咗慶祝母親節，凡惠顧都會送一隻毛巾啤啤熊，送完即止～快啲帶埋媽媽一齊嚟嘆返個鹹豬手！
‼️而家做緊全日happy hour，指定無酒精飲品第二杯只需要加$10，樽裝啤酒買一送一！
------------------------------
🐖◖Crispy Pork Knuckle◗ $318
呢個德國鹹豬手係呢間舖頭嘅招牌菜，大大隻重1kg，配上烤薯、烤蘿蔔、酸菜同埋芥末籽忌廉汁，呢個份量都夠兩個人食！豬手外皮好香脆，咬落去好似薯片咁，夾住適量嘅脂肪同筋位；豬手肉比較厚實，邊邊位烤得比較乾身脆口，鹹鹹地肉味出，啖啖滿足！豬手肉可以夾埋啲酸椰菜一齊食，幾清新解膩～
🥪◖BBQ Pulled Pork Sandwich◗ $178
手撕烤豬肉配上酸種包，呢個組合真係好鍾意！手撕豬肉一疏疏咁，口感一流，BBQ醬煙熏味香濃，同酸種包一齊食真係好正！手撕豬肉上面仲放咗椰菜沙律，口感比較豐富，但沙律醬略嫌多得滯，太酸蓋過咗豬肉嘅香味，建議可以刮走佢先食🙈。另外佢嘅薯條做得幾出色，粗幼度啱啱好，放咗一段時間都仲好香脆！
🍸◖Mango Margarita◗ $78
呢個芒果沙冰瑪格麗特，用上龍舌蘭做酒底，咁落微甜但酒味有啲濃～
🌟 Encore指數：9/10
張貼
