牛站(駅)麻辣火鍋放題

營業中

休息中

同fd去食火鍋放題，二話不說就直接book左牛站，旺角店成日都爆滿，上次黎無book等左半粒鐘，今次醒目一定要預約左先。我地叫左藥膳牛骨鍋同椰子雞湯，兩個湯底都係比較清少少，可以食到食材既鮮味，湯底本身都好足料，絕不馬虎。我地今次叫左SRF肩胛肉餐，最主要就緊係食佢地既SRF美國極黑和牛啦。佢地既SRF和牛相當嫩滑，而且質素維持得好好，唔會一碟好靚一碟唔靚咁，每次落單都幾碟幾碟咁叫。除左牛之外我地仲有叫好多海鮮，好似帆立貝，沙白等等。都係非常新鮮，食落鮮甜。飲品種類都十分豐富，常見都基本上都齊哂，最緊要係酒類都好豐富，同朋友食真係十分盡興。自助區既蔬菜都好多選擇，加埋小食，要食哂都有D難度。