金寶 (已搬遷) 新店位置

星期六的晚上,到了這間小店食晚飯,加埋我在內總共四人,都要等了十五分鐘先有位呢,生意好像不錯!我地點了半隻海南雞,一碟咖哩牛腩飯,一碗生牛肉河,仲有越式拚盆同埋醬爆蝦丸!醬爆蝦丸之前喺九龍城同店已經吃過,嚟到旺角分店再食,因為實在好好食,爆出嚟既蝦膏好似無九龍城咁多,但係味道一樣咁正,唔知佢入面嗰d係咩野蝦既膏?海南雞味道ok,肉質滑,最好味係個醬汁,酸酸地好開胃,另外再叫左兩碗油飯食,一碗要十蚊,但係我覺得貴幾蚊好過叫白飯,因為個油飯味道好好多!咖哩牛腩飯既咖哩汁比較稀,牛腩就煮得好淋,用上炸薯角做配菜,味道中上!生牛肉河個湯味道好濃,落既配料應該唔少!如果大家去食記住唔好只係食牛肉同粉,湯先係主角呢!越式拚盆有粉卷,蝦手卷,扎肉手卷,春卷,仲有一兜肉碎,味道以粉卷比較好,蝦手卷,扎肉手卷都比較難接受,因為入面有好多香葉,我就唔係太鍾意,而肉碎似乎係用嚟送飯,因為比較咸,不過味道唔錯!四個人食左三百蚊,一人唔使八十,都幾夠食,味道都唔錯,如果有多d選擇我諗都會再嚟食過呢!