Outdark (H8)

營業中

休息中

今晚食炸雞，揀咗一間開業多年既人氣餐廳，餐廳名相信都唔會陌生。呢個飲食業艱難時期，六點嚟到已經好多人，離座時，更要等位。裝修有心思，有一大埲牆掛滿情人鎖，加上微微燈光，播韓文歌，氣氛十足。餐廳上大路韓食都有得揀。香蒜蜜糖炸雞 $198炸雞皮脆肉嫩，無骨，有豐富香蒜蜜糖醬，蜜糖香甜味吸引，蒜味唔過火。難得有晒薯條薯格，如果唔大食，一份炸雞都飽晒。食炸雞點可以唔飲啤酒，幾時都係最夾。水冷麵 $138水冷麵岩晒咁熱既天氣，而且可揀配豬或牛。冷麵入口冰涼爽口，撈勻之後，仲有泡菜味，悶熱天氣更覺得好食。配料仲有蘿蔔，青瓜絲，水煮蛋。牛肉有驚喜，烤得香，配搭冷麵出色。炸蝦紫菜飯捲 $98飯捲好大件，十件真係唔少。炸蝦上枱仲保持溫度又夠脆，加上其他配料，口感滿滿。Blueberry yogurt $48大大杯藍莓乳酪，少少酸味，開胃解膩，飲酒唔岩可以飲佢。