米走雞Deluxe (已搬遷) 新店位置

好耐冇打過邊爐，尤其疫情第五波之後，就少咗朋友聚會。開返晚市以後，嚟到我嘅雞煲首選，水準依舊！先講講個黃金芝士雞煲，招牌黃金芝士當然要選擇激量芝士份量，稱得為「激量」，當然喺唔止一種芝士！侍應同我哋講喺落咗5款芝士，當中包括巴馬臣芝士、車打芝士、卡夫芝士等，經過廚房悉心熬製而成嘅雞煲底。一上枱，芝士多到完全蓋過熱鍋裡的每塊雞塊，每一啖雞塊都沾滿芝士，每一口都非常邪惡。雞煲煮熱同時，店員仲會主動幫你睇火，提醒我哋幾時要攪拌，費事整爛個湯底。食完整鍋嘅雞塊，仲可以一煱兩食，店員會加豬骨湯或芝士湯，由雞煲撚身一變做打邊爐，芝士控一定要試佢哋嘅芝士湯，濃郁重口味！火煱料叫咗和牛餃同澳洲牛舌，皆屬牛肉。牛舌入口滿口牛嘅油脂香，餃子牛肉味鮮濃，肉質嫩口，相當有水準。鮮炸響鈴快手喺湯中灼幾下便可。