影片
更多
2024-02-05
175 瀏覽
一講起食酸菜魚就會諗起太二，依家係香港都食到，最近同朋友行開Airside, 見門口都幾多人等位，好受歡迎，所以一於試下！餐廳環境闊落，全部都係卡位座椅，坐得舒服之餘，同其他枱距離夠闊，空間感十足。老壇子酸菜魚（1至2人份） $258上菜既時候好有儀式感，侍應會叫口號。餐廳標榜酸菜比魚更好食，原來酸菜係由太二自家醃製，控時控溫醃製近一個月，唔怪之得食落特別新鮮爽脆！魚肉用左鱸魚，肉質鮮嫩滑溜，食落啖啖肉唔會有骨。我地仲加左金菇 +$20 同紅薯粉 +$20，兩款配菜都可以索晒湯汁既味道，酸酸辣辣好惹味！藤椒撈汁海鮮雞 $68期間限定既涼菜，有雞絲、蝦、蟶子、青瓜，藤椒汁分開上，鍾意落幾多就落幾多，我地怕辣落左少少撈，少少辣，但又唔會蓋左海鮮既鮮味，感覺好清新。蛋酥軟糍粑 $48即叫即炸，同平時食既有啲唔同，外層用左蛋漿包住，入口比較酥脆，裏面煙韌軟淋，好食！喜翻翻砂紅糖冰粉 $22食完酸菜魚，食碗冰粉解辣之餘仲可以清一清味蕾，紅糖冰粉有仙草、冰粉、紅糖，甜甜地，食完好涼快！西瓜椰椰冰粉 ＄22入面有西瓜粒、椰子啫喱、冰粉同杏仁片，椰子味突出，味道比較清甜，個人鍾意依款配搭多啲。飲品方面
一講起食酸菜魚就會諗起太二，依家係香港都食到，最近同朋友行開Airside, 見門口都幾多人等位，好受歡迎，所以一於試下！
餐廳環境闊落，全部都係卡位座椅，坐得舒服之餘，同其他枱距離夠闊，空間感十足。
老壇子酸菜魚（1至2人份） $258
上菜既時候好有儀式感，侍應會叫口號。餐廳標榜酸菜比魚更好食，原來酸菜係由太二自家醃製，控時控溫醃製近一個月，唔怪之得食落特別新鮮爽脆！
魚肉用左鱸魚，肉質鮮嫩滑溜，食落啖啖肉唔會有骨。
我地仲加左金菇 +$20 同紅薯粉 +$20，兩款配菜都可以索晒湯汁既味道，酸酸辣辣好惹味！
藤椒撈汁海鮮雞 $68
期間限定既涼菜，有雞絲、蝦、蟶子、青瓜，藤椒汁分開上，鍾意落幾多就落幾多，我地怕辣落左少少撈，少少辣，但又唔會蓋左海鮮既鮮味，感覺好清新。
蛋酥軟糍粑 $48
即叫即炸，同平時食既有啲唔同，外層用左蛋漿包住，入口比較酥脆，裏面煙韌軟淋，好食！
喜翻翻砂紅糖冰粉 $22
食完酸菜魚，食碗冰粉解辣之餘仲可以清一清味蕾，紅糖冰粉有仙草、冰粉、紅糖，甜甜地，食完好涼快！
西瓜椰椰冰粉 ＄22
入面有西瓜粒、椰子啫喱、冰粉同杏仁片，椰子味突出，味道比較清甜，個人鍾意依款配搭多啲。
飲品方面仲有個自助吧，可以俾大家自己沖陳皮洛神花茶，味道酸酸甜甜，好解辣！
張貼
