影片
更多
2022-10-05
147 瀏覽
日本過江龍初喺香港開業之際已經引起唔少討論，咁啱有海港城coupon作為藉口過嚟試吓🙈·<滿天星肉汁漢堡扒蛋包飯> ʜᴋᴅ 238最簡單嘅<滿天星肉汁蛋包飯>都已經要索價ʜᴋᴅ 128，多咗塊漢堡扒竟然貴咗ʜᴋᴅ 110，恃住自己有coupon豪少少💸聽聞餐廳每一個蛋包飯都會用上三隻蘭王蛋，所以色澤會偏橙色，蛋味冇想像中咁香濃🥚略嫌蛋漿唔夠厚，濕潤度可以再高啲飯底係日式炒飯，有茄汁嘅酸味🍅質地較濕所以食落有啲一舊舊，個人就麻麻哋呢隻日式炒飯🍛漢堡扒係用鹿兒島和牛同北海道和豚以7:3嘅比例製作，肉絞得比較碎，有種食肉糜嘅感覺，但牛味都幾突出🥩漢堡都好juicy多汁💦配搭嘅肉汁入口偏酸，但食多幾啖就會適應到😉·<經典芝士漢堡> $168落完order後覺得唔係一個好嘅選擇， 因為都係用返同一塊漢堡扒🍔麵包好圓潤鬆軟，整體嚟講表現正常😗·如果唔係有coupon應該唔會捨得嚟食🥲實際上亦覺得價錢同質素唔成正比，再加上要排隊的話真係唔太值得又浪費時間同金錢🫢
日本過江龍初喺香港開業之際已經引起唔少討論，咁啱有海港城coupon作為藉口過嚟試吓🙈·
<滿天星肉汁漢堡扒蛋包飯> ʜᴋᴅ 238最簡單嘅<滿天星肉汁蛋包飯>都已經要索價ʜᴋᴅ 128，多咗塊漢堡扒竟然貴咗ʜᴋᴅ 110，恃住自己有coupon豪少少💸
聽聞餐廳每一個蛋包飯都會用上三隻蘭王蛋，所以色澤會偏橙色，蛋味冇想像中咁香濃🥚略嫌蛋漿唔夠厚，濕潤度可以再高啲
飯底係日式炒飯，有茄汁嘅酸味🍅質地較濕所以食落有啲一舊舊，個人就麻麻哋呢隻日式炒飯🍛
漢堡扒係用鹿兒島和牛同北海道和豚以7:3嘅比例製作，肉絞得比較碎，有種食肉糜嘅感覺，但牛味都幾突出🥩漢堡都好juicy多汁💦配搭嘅肉汁入口偏酸，但食多幾啖就會適應到😉
·
<經典芝士漢堡> $168落完order後覺得唔係一個好嘅選擇， 因為都係用返同一塊漢堡扒🍔麵包好圓潤鬆軟，整體嚟講表現正常😗
·
如果唔係有coupon應該唔會捨得嚟食🥲實際上亦覺得價錢同質素唔成正比，再加上要排隊的話真係唔太值得又浪費時間同金錢🫢
張貼
