薔紅

營業中

休息中

今日去咗呢間好有港式風味嘅茶餐廳試佢人氣旺盛嘅脆皮燒春雞套餐，一入門口其實都已經聞到陣陣嘅燒雞味，事關都幾多人有叫呢個餐，入去經過都會見到檯面有半隻雞放咗係到十分吸引坐底當然都係叫呢個人氣套餐，有得揀跟飯/意粉/薯條，作為薯條控嘅我毫不猶豫揀薯條！除咗呢個燒春雞套餐，啲港式炒粉麵其實都幾吸引幾有大排檔風味，可惜胃就得一個試唔到咁多，惟有下次再試啦落單後等咗大概15-20分鐘，一份熱辣辣嘅春雞就送到，上檯仲feel到陣熱力同睇得出層皮脆卜卜咁，食個陣真係要小心唔好比啲雞油辣親！跟埋仲有甜酸醬同椒鹽，但本身雞都有調味，鍾意清淡啲都可以唔點醬食原味咁就雞味突出！薯條一樣係熱辣辣勁吸引，鍾意食雞嘅真係不能錯過