極尚大瀛喜日本料理

營業中

休息中

一個月冇食放題啦，好似唔夠一個月🤭又約朋友去食，覺得自己就嚟肥死，但係每次都食得好開心喎🤣刺身依然係一坐低就必點嘅嘢，張張枱都係，我哋叫咗幾款試咗吓，最好味依然覺得係帶子同赤蝦，鮮甜彈牙，而三文魚都厚身，希靈魚都唔錯。我哋都叫咗啲壽司同手卷，非常貼心，整得細細件，食完都唔會覺得太飽。之後就係串燒、天婦羅、炸物同各樣料理。當中必食推介有燒牛舌、羊架、酒浸鮑魚、西京燒魚，都非常唔錯，仲有啲想試但係又食唔落嘅，不過最後點都會食返串菠蘿消滯。甜品嘢飲方面選擇都好多，連啤酒、清酒、梅酒都有，雪糕選擇都好多，我就試咗啲未食過嘅牌子，都幾唔錯。