肉肉大米

營業中

休息中

今日我同屋企人去咗沙田嘅肉肉大米食晚餐，平日晚上非常多人等位，等咗一段時間終於可以安排入座，一入去餐廳就聞到濃厚嘅肉香，令人期待。我哋點咗兩件漢堡扒套餐和三件漢堡扒套餐，其中有兩件係芝士，每個座位前邊都會配搭咗多款嘅醬汁俾客人使用～點完餐好快已經上套餐，漢堡扒煎得正好，外脆內嫩，食落去口感一流，入口即溶仲配上生雞蛋添，層次更加豐富，仲有新鮮嘅西蘭花做配菜，隨時可以無限添加，食到飽，真係好過癮！仲有餐湯，日本米都係無限添加，真係性價比好高！佢哋用嘅日本米質素非常高，粒粒分明，吸咗肉汁之後更加美味。餐廳嘅環境設計都幾有特色，仲有啲稻草裝飾，整體感覺好舒服。服務員態度親切，有禮有笑容，值得推介！