竹面譜

營業中

休息中

開張冇耐已經吸引我眼球，呢個地段、呢個價錢，A5和牛？？點可以唔試吓。夢王和牛丼 - 鹿兒島的A5和牛、日本神戶夢王蛋，聽到都已經覺得高質，但只係買平民嘅價錢。油香滿滿嘅和牛加上蛋香濃郁嘅夢王生蛋，配飯真係一流。蒟蒻麵 - 爽彈零卡嘅蒟蒻麵配上粟米粒同紫菜，清甜健康。仲可以自選配雞胸/豬頸肉/鴨胸。鮑汁冬菇花膠鍋 - 又花膠又冬菇，只係60幾蚊，而且件件都幾大件架。配上關廟麵，係台南特色嘅麵食。一路加熱住，特別滋味。胡椒豬雜鍋 - 豬雜一啲臊味都冇，處理得好好，蘿蔔好甜好腍。個人覺得如果胡椒味再濃啲就更好。炸物系列 - 呢度嘅炸物小食係受歡迎，我哋都嗌咗幾款。我自己最鍾意炸韭菜餃。韭菜餡好豐富，咬落係滿滿嘅韭菜香，而且好脆口。另外炸鮮奶都好好食，外脆內嫩，而且鮮奶餡嘅甜度剛好。飲品方面仲有自家製涼茶：清心火/金銀菊花薏米/去濕茶，仲可以選擇微糖或無糖添，非常健康。