食記餐廳

營業中

休息中

嚟咗香港仔返工冇幾耐就已經聽聞過鴨脷洲有一間好出名嘅小食店，今日同事專程去買，我就立刻搭單叫佢買外賣買埋我嗰份。先講個份量，我係叫淨魚肉，啲魚肉係塞滿晒成個外賣碗，份量超級多。魚肉肉質非常之彈牙，彈牙嘅程度及得上魚蛋，鯪魚肉只有落香蔥，冇落果皮，但係蔥花唔算太多，所以唔食蔥嘅朋友應該都唔會有太大問題。值得一讚嘅係靚魚肉入面半條魚骨都冇，真係做到啖啖肉，絕對係大快朵頤。湯底方面，用上鮮魚湯做湯底，飲落非常鮮甜，而且似乎冇落味精，因為食完都唔會頸渴，我仲飲晒成碗添。你得香港仔鴨脷洲，一定要試試呢一間小店，絕對會為你帶來驚喜。